El amor en tiempos modernos

Un kliente yama la kompanyiya

–  Kijyera avlar kon el Departamiento del Servisyo  a los Klientes.

–  So Samuel.  Buenos diyas.  En kualo puedo ayudarvos ?

–  Enkuentri  en el WEB vuestra publisitad

–  Sovre kual produkto Senyor  ?

–  El sistem se yama AMOR ma no funksyona.  Me puede ayudar ?

–  Lo intentare…. Solamente yo no lo puedo instalarselo.  Vozotros tendrash ke installarlo  asigun mis instruksyones  por telefon.  Estash pronto ?

–  Si.   Esto pronto agora.  De ande empesamos

–  El primer paso es avrir tu korason.  Ya lo lokalizates ?

–  Si.  Ma ay varios programes ke estan abashando agora.   No embarasa si azemos lavorar este program tambien ?

–  Kualos son estos programes ?

–  Deshame ver…. Tengo  DOLORPASADO.EXE,  BASHAESTIMA.EXE,  CORAJE.EXE  I  RESENTIMIENTO. ORG  egzekutandose en este momento…

– No ay problem.  AMOR  borrera otomatikamente DOLORPASADO.EXE de tu sistem operativo aktual.  Puede ke se kede grava en tu memorya permanente   ma no afektara de dinguna manera los otros programes.   AMOR eventualamente remplasara  BASHAESTIMA.EXE  kon un modulo de muestro sistem yamado ALTAESTIMA.EXE.  Kon esto tendras ke serrar kompletamente el program RESENTIMIENTO. COM.  Este program evita ke AMOR se instale de manera adequada.  Lo puedes serrar agora ?

–  No se azerlo.  Me puedes dizir komo ?

–  Kon gusto.  Va al menu  EMPESIJO  i klika  PERDON.EXE.  Klika el karar de vezes ke seran nesesaryo fina  RESENTIMIENTO. COM  seya efasado kompletamente.

–  OK  esta pronto.  AMOR  emposo a instalarse otomatikamente.  Es normal ?

–  Si. Arresiviras una notisya agora ke te va dizir  ke AMOR estara aktivo kuando KORASON estara al nivel de funksyonar asigun las informasyones ke le dates.  Puedes ver el message ?

–  Si lo veyo.  Ya eskapo la instalasyon ?

–  Si. Ma nota ke tienes solo el program de baza.  Nesesitas konnektarte kon otros KORAZONES  para pueder resivir aktualizasyones !

–  Oh oh !  Me aparesyo un message de error. Dize error 412… El program no esta aktivo en komponentos internos.   Ke ago ?

–  No te preokupes.  Es un  problem komun.  Sinyifika ke Amor esta konfiguardo para egzekutarse en KORAZONES  eksternos ma no se egzekuto en tu KORAZON .  Es una de estas kozas teknikas komplikadas de la programasyon ma en simple kere dizir ke tienes ke AMAR  tu proprio ekipo antes de poder AMAR a otros…