Estudio: La mayoría de los estudiantes judíos enfrentan hostilidad en Campus

Por:
- - Visto 414 veces

דינסטיק, דעם 28סטן יולי, האָט בראַנדײַס־אוניווערסיטעט פֿאַרעפֿנטלעכט אַ פֿאָרשונג, לויט וועלכער ס׳רובֿ ייִדישע סטודענטן פֿון קאָלעדזשן און אוניווערסיטעטן אין צפֿון־אַמעריקע האָבן זיך אָנגעשטויסן אויף אַנטיסעמיטישע אָדער אַנטי־ישׂראלדיקע שטימונגען אין זייער קאַמפּוס. דאָס האָט אָבער נישט געביטן זייער באַציִונג צו מדינת־ישׂראל. די אינטערנעץ־פֿאָרשונג האָט נישט אַרײַנגענומען די אַספּיראַנטן פֿון גראַדויִר־פּראָגראַמען.

לויט דער שטודיע, זענען די העסלעכע שטימונגען לגבי ייִדן אָדער ישׂראל באַזונדערס פֿאַרשפּרייט אין געוויסע קאַנאַדער אוניווערסיטעטן און מלוכישע בילדונג־אַנשטאַלטן אין קאַליפֿאָרניע. בערך אַ דריטל פֿון די אויסגעפֿרעגע 3,000 סטודענטן, וועלכע קלײַבן זיך צו באַטייליקן אין דער 10־טאָגיקער „געבורטרעכט‟־נסיעה קיין ישׂראל, האָבן געטענהט, אַז במשך פֿונעם לעצטן יאָר האָבן זיי אויסגעהערט אין זייער קאַמפּוס שׂינאה־ווערטער צוליב זייער שײַכות צו ייִדישקייט.

כּמעט דרײַ פֿערטל פֿון זיי האָבן איבערגעגעבן, אַז זיי האָבן זיך אָנגעטראָפֿן מיט, לכל־הפּחות, איינעם פֿון זעקס באַקאַנטע אַנטיסעמיטישע באַמערקונגען, אַרײַנגערעכנט די „צו גרויסע ייִדישע מאַכט‟ און אַז די ישׂראלים פֿירן זיך אויף „ווי נאַציס‟ לגבי די פּאַלעסטינער.


מער ווי אַ פֿערטל פֿון די אויסגעפֿרעגטע האָבן געזאָגט, אַז די אַנטי־ישׂראלדיקע שטימונגען שטעלן מיט זיך פֿאָר אַן ערנסטע פּראָבלעם אין זייער קאַמפּוס, און כּמעט 15 פּראָצענט האָבן איבערגעגעבן, אַז זיי האָבן זיך אָנגעטראָפֿן אויף דער זעלבער שׂינאה קעגן סתּם ייִדן. כּמעט יעדער פֿערטער סטודענט האָט אויך געטענהט, אַז במשך פֿונעם פֿאַרגאַנגענעם יאָר האָט עמעצער אינעם קאַמפּוס זיי באַשולדיקט אין שײַכות מיט די אַקציעס פֿון דער ישׂראלדיקער מלוכה, צוליב דעם וואָס זיי זענען ייִדן.

צוויי דריטל פֿון די אויסגעפֿרעגטע האָבן געענטפֿערט, אַז נישט געקוקט אויף די אַנטי־ישׂראלדיקע שטימונגען אינעם קאַמפּוס, פֿילן זיי נאָך אַלץ אַ פֿאַרבינדונג מיט מדינת־ישׂראל. אַדרבה, די פֿאָרשונג האָט אויפֿגעוויזן, אַז דער פּראָצענט פֿון סטודענטן, וואָס זאָגן אַרויס פּראָ־ישׂראלדיקע שטימונגען איז אַפֿילו געשטיגן נאָך דער לעצטער מלחמה אין עזה. דאָס מיינט נישט אָבער, אַז די אויסגעפֿרעגטע האָבן זיך אַקטיוו אינטערעסירט מיט די פּרטים פֿון דער ישׂראלדיקער פּאָליטיק; די פֿאָרשער האָבן באַמערקט, אַז ס׳רובֿ פֿון די אויסגעפֿרעגטע, ווי עס זעט אויס, ווייסן ווייניק וועגן ישׂראל בכלל.

די פֿאָרשונג איז דורכגעפֿירט געוואָרן אין אַפּריל, דורכן „צענטער פֿון מאָדערנע ייִדישע שטודיעס אויפֿן נאָמען פֿון מאָריס און מערילין כּהן‟ בײַם בראַנדײַס־אוניווערסיטעט.

מיט 5 חדשים פֿריִער האָט דער „טריניטי־קאָלעדזש‟ אין קאָנעטיקעט פֿאַרעפֿנטלעכט די רעזולטאַטן פֿון אַן אויספֿרעג פֿון 1,157 אַמעריקאַנער ייִדישע סטודענטן, דורכגעפֿירט אין פֿרילינג 2014, לויט וועלכן 54 פּראָצענט פֿון זיי האָבן זיך געטראָפֿן מיט אַנטיסעמיטיזם אין זייער קאַמפּוס.

Read more: http://yiddish.forward.com/articles/189887/study-most-jewish-students-face-hostility-on-camp/#ixzz3hUkzJiEg

Acerca de Central de Noticias Diario Judío

Noticias, Reportajes, Cobertura de Eventos por nuestro staff editorial, así como artículos recibidos por la redacción para ser republicados en este medio.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: