Konferensya de la Gerra en Paris

Konferensya de la Guerra en Paris

Kuantos seran los ke van a manifestar
kontra esta falsa konferensya de la paz in Paris ke tyene komo buto de
rekonoser ofisyalmente un Estado palestinyano? Dechizar lo ke seran
las frontyeras .Puedeser ke kariya desde el empesijo no desharlos dizir
lo ke demandan sin kontestar fuertamente. Azer komo los turkos o los
de Irak o Syria ke no deshavan los dezeos de los kurdos naser.

Siguramente no seran munchos a manifestar. Ay de menos i menos amigos
verdaderos de Israel. La djente , asosyasyones, paeses ke mizmo si se
konsyenten pro israelyanos pedren koraje no keren pareser kontra los
musulmanos i Israel desho dizir. Veyen ke es Israel kontra los musulmanos.
Veyen Israel komo Jeriho arrodeado de miliones de enemigos.

El antisemitizmo de oy se amostra avyertamente. Se ayuda los ke aboresen
Israel i los djidios. El antisemitizmo no se eskonde, aze manifestasiones,
grita, menasa.

Dizen falsamente ke es un konflikto kon los Palestinyanos alora ke es un
konflicto kon los musulmanos. Los signos son bastante numbrozos para
avrir los ojos de los idealistas romantikos.

Las leyes antisemitas no reushyeron, in Evropa Mein Kampf renase. Se
punta kon el dedo los djidios i sus amigos. Ma la minima supozada idea
kontra el islam es kastigada kon todas las maneras asta las menasas
malgrado los atentados de los extremistos musulmanos.

La gerra me parese pedrida… Deke?
Pormodo ke el mundo topa natural i mizmo normal a ke ayga antisemi-
tismo i no aze lo ke se kere para kombatirlo kon todas sus fuersas.
No se topo un paes, un kapo para dizir a el Iran, no deves menasar un
paes ke no te menasa. No se topo dingunos para dizir: Deke no es
permetido a djidios de fraguar una kaza kon sus paras in un lugar
(musulmano o no), komo es permitido a toda persona del mundo?.

De ke avlar de apartheid kuando no es verdad i ke de fakto son los
musulmanos ke azen apartheid i distinksyon. No se topo dingunos
para defender el derecho de Israel a ser reconosido. No . Lo ke todos
azen- i mizmo el Papas katoliko- es rekonoser una Palestina ke nunka
kito la destruksyon de Israel klaramente de su programa.

Es ke ya lo kondamnaron. Ke disgrasya.