Pensando….. Ke ermozo es bivir !
Pueder ver i respirar, kaminar, riir
Pueder amar i kantikas oyir !
Abrasar i bezar muestros keridos
Dulses biervos en muestros oyidos
Ke ermozo es l’amor en las miradas
Sentir el karinyo en las karesyas
Una mano ke se da en tiempo duro
Gozar d’un amigo kon sentimyento puro
Saver ke no kedaras solo por seguro.
No importa ke edad tienes, ken sos
Si sos Judyo, Kristyano o los dos
Si el korason lo tienes inchido de buendad
Ke diferensya aze en ke lingua es tu piadad !
Es el Uniko ke adoramos siempre .A. Ehad !
Artículos Relacionados: