La vida del Aktor “Leonard Nimoy”

Por:
- - Visto 836 veces

Famoso por su presentasión de un medio umano i medio Vulcano en el karakter de “Mr.Spock” en la seria titulada “Star Treck”, Nimoy viene de murir en Los Angeles a la edad de 83 anios. El anio pasado eskrivio en el Tweeter ke tenia una hazinura progresiva de los pulmones. Por tanto azia 30 anios ke no fumava. Nimoy djugó munchos roles en su karriera larga, en la television, el sinema i en el teatro.

Dirijio filmos, eskrivio livros, komposo poesias, publiko fotos i kreo muzika. Malgrado todos sus talentos el sera akodrado por el rol de Mr.Spock en Star Treck. Se izo el aktor el mas famoso en la segunda parte del siglo 20.

nimoy_a_marcelo_benvenisteNimoy nasio en Boston en 1931 en una famiya djudia ortodoksa viniendo de la Ukraina Sovietika. Se avlava uidish en la kaza. Se ambezo a djugar todo solo en el studio ke tenia i izo unos filmos chikos en la television en los anios 1950 i 1960.


Nimoy fue introdusido a la shena en 1965 komo Mr.Spock. Djugó este rolo durante 4 dekadas en 6 serias i 12 filmos. Djugó tambien en los filmos “Mission Impossible i Invasion Of Body Snatchers”. Una vez se keshó de sufrir de una kriza de Identitá. El publiko se interesava a Star Track i el no savia si tenia ke djugar komo Mr.Spock o meterse kontra el intereso del publiko. Por finir se desidio ke este rol le konvenia.

STAR TRECK i sus djugadores del ‘Starship Entrerprise” eksploraron otros mundos, enkontrandosen kon ekstraterrestros. El padre de Spock venia de la planeta Vulcano i la madre venia de la Tierra. Servian basho un offisial i un scientisto kayendo basho el Capitan “James Kirk”. La seria orijinal fue anulada en 1969 después de 3 temporadas. Se torno atras  en 1970 kon reushita. La shena se avia echo mas grande i esto no le gustava a Nimoy. Al ver ke esto traia un profito muy grande aksepto de djugar en el Star Track II “The Wrath Of Khan”. Aki Spock se moria a la fin, una koza ke le gusto. Mismo en moriendo se torno atras a jugar en 4 serias a venir.

Después de tanto esforso Nimoy izo unas komedias komo “3 Men And A Baby” en 1987. Kon los anyos empesó a deskuvrir sus raizes djudias. En 1991 produsio i djugó en el filmo “Never Forget” ke era la istoria de un sovrebiviente del Olokosto. Keria yevar a la korte los Neo-Nazistos ke nyegavan el Olokosto. 4 anios después de esto invito a unos selebres para kontar istorias djudias en sus serias. En 2002 publiko el livro “Shekina” kon fotografias de mujeres medias desnudas. Esto no gusto a los ortodoksos. En 2009 izo un narrativo de la Sinagoga “Beit Shalom” en Pensylvania. Nimoy resivio el Premio Grammy por su rolo komo el marido de Golda Meir en el filmo “A Woman Called Golda” en 1982. Nimoy se kaso 2 vezes i tenia 2 ijos.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: