ME ESKARINYO MAMITA

No ay dia ke pase
Un evenimiento ke akontese
Sin ke te nombre,
Pense en ti i te yame..

Pintora no so por pintar
Lada linya i tus ojos desinar…
Tus ojos ! Espejos de tu alma,
Tu kara de buendad, kama i kama…

Siempre lo sinti ma lo mas este anyo!
Un eskarinyo komo fuego me apanyo.
Ande esta el tiempo ? Es verdad ke paso ?
Dizen ke el tiempo kura…. Porke no me kuro ?

Ande esta el gatiko ruvyo en tus brasoz ?
Las trandafilas engrandesidas kon tus bezos ?
Davas amor a tus plantas mas de agua
El vedre te amava, la tierra era tu namorada !

Me akodro de muestros jugos furyozos
Pletos kon rizas i akeyos vizinos kuryozos !
Muestras korridas lokas, muestras istoryas sin fin,
Tu pasensya kuando kontavas kuentos de Merlin !

Me echava a tus alas para ke me abrigen
Eras mi andjelo para ke mis yoros se amahen
Me deshates….. Te bolates…… I no me arti a tu kalor
Siempre un pezgo al korason ke endjida komo una dolor…


Mamita

Sharope blanco
Tu ijika en la Fiesta de las Madre

No hay comentarios

Leave a Reply

Artículo anteriorLo Nuevo en WIZO
Artículo siguienteEl Turismo en México, se Consolida Como Factor de Desarrollo. “Sector de la Economía con Mucho Futuro”: Enrique de la Madrid
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.