Mi Istoria Australiana

Por:
- - Visto 620 veces

En una entrevista kon un Journalisto en Enero 25, Dia de “Australia Day” me demando ke pensava de esto.Yo me meti a kontar mi istoria i le dishe ke mis avuelos nasieron en Rodes en una Isla Griega i ke desaparesieron en Auschwitz durante el Olokosto kon otros 151 Alhadefs. Mi padre pensava ke su fiansada Becky era enviada a Aushwitz tambien i ke estava perdida. Salio ke estava en vida i ke era una avuela biviendo en Brussellas. El en kontra era un avuelo biviendo en Johannesburg. Un tiempo yo fui el editor del “Cape Times” en tiempo del Apartheid, kuando los Sud Afrikanos eran klassifkados segun la kolor del kuero. avia una diskriminasion kontra los ke no eran blankos. La idea era de kitar a los Pretos de la Sosiedad Blanka. Yo tenia ke krear un journal de Anti-Apartheid en analizando las leyes de sensura.

Es esto ke formo mi vista del mundo. Este sentimiento se izo mas fuerte kuanda topava svastikas en el kashon ke tenia en la eskola, en Zimbabwe, el pais ande nasi. Estuve siempre kontra el Rasismo i kreyi en la umanidad del individuo. Me topi harselado en las demonstrasiones de Anti-Apartheid en estudiando en la Universidad de Cape Town. Un dia vide a la guardia de noche enkarselado porke no tenia su Karta de Identidad. En kontra los Blankos no tenian menester de esto.

Imigrando a Sydney via Israel tuve 4 empleos komo journalisto. Ma 2 anios despues entri en el Jewish News. En mis 18 anios de servisio fui embiado 3 vezes a Moskova por la kampania de salvar a los Judios Sovietikos. Me fui a unos meetinges en el Kremlin. Pasi una semana al Este de Berlin raportando la kaida del Muro. Kuvri las primeras eleksiones libres en Sud Afrika. Tomi un kurso de 4 semanas en Yad Vashem ke kaio en tiempo de la Primera Gerra en el Golfo. Komo editor engrandesi el debate sovre Israel i me okupi de los Derechos Umanos. Akompanyi mismo a los estudiantes a Polonia en la Marcha de los Bivos. En 2004 entri en el posto del “Jewish Board Of Deputees”. Era justo el lugar para kombatir el tosigo del rasismo i bigotria. Nuestro rol era de krear pontes kon otras relijiones i kulturas. Representavamos la kommunidad, la media i los otros sektores. Preparavamos programes de armonia i respondiamos a los insidentes de Anti-Semitismo.


Un dia tuve la okasion de entrar en el Governo de NSW en la kavesa de la “Commission de Relasiones Communitarias” Pensi ke esto era echo para mi. Kije traier el konsepto de Multi Kulturalismo a un nivel mas alto. Se kreo un lugar para azer orasiones en rogando por la paz. Kon las tensiones en Irak tuve enkontros kon los Sunnis i Sh’ites para meterlos enjuntos. Lavori kon sus lideres para krear respekto entre eyos. Subito salio la Gerra entre Israel i Hamas. Partes de la Kommunidad Araba se metio kontra mi por apartenir a los organismos Judios. Se metio pression para ke parte. Por finir tuve ke demissionar apenas 6 mezes después de aver entrado ayi. Avia de kualo ser desillusionado. Por anios avia echo tanto por eyos.

Finalmente el Boykott de Israel iva ser el kamino del futuro. Komo disho Charles Dickens en el livro “The Tale Of 2 Cities” Eran los mijores tiempos i eran los peores del tiempo”. 200 Kulturalismo era bueno. Ma nos estamos indo atras. No ay Unidad Sosial i un sentimiento de apartenir, ay un aumento en la diskriminasion sovre kontra los ke no son de avla Inglesa. Esto me yeva atras a los anios de eskola kuando me metian svastikas en el kashon. En mi rol komo CEO del Jewish Board Of Deputies veo munchos insidentes de Rasismo. Aki se goza de munchas libertades. Ma kon esto viene una responsabilidad.

Por finir mi repuesta al jurnalisto era muy larga. En 15 Julio 1944. Anne Frank escrivio en su diario.”Es una maraviya ke no abandoni mis ideales ke paresen impraktikables i absurdos. Por tanto me akolgo a eyos porke kreo ke malgrado todo, ay djente buena de korason.” 3 semanas después su kreensia fue derrokada al ser transportada a los Kampos de la Muerte.

Esta eskrito en “Ethics Of Our Fathers” No kaie a nosotros komputer la area, tampoko somos libres de no azerla”

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: