Mis Sentimientos por Espanya

Por:
- - Visto 572 veces

So un espanyol verdadero, de rasa judia
Mis viejos avuelos nasyeron en la juderia,
de Toledo, de Seviya, Cordova i Mayorca
İ puede ser en la chika isla de Minorka.

Munchas semanas las pasimos en estos lugares
Me paresiya komo bivir en sus hogares.
Despues de sieklos gozimos de sus herensyas
Komo si fuera ke biviamos kon sus kerensyas.

espana_judiaMos desharon un trezoro verde, esto orozo
Topi la libertad en los viajes, so venturozo.
Mi pasaporto valido por todas la nasiones,
Kreo ke hue un regalo de siertas bendisiones.


Los avuelos de mis avuelos i mi famiya,
Nasyeron aki… en esta bendicha Turkiya
Ke hueron resividos kon ospitalidad i afekto
alegres por este paso humano, por este grande djesto…

Ma yo en Benalmadena ago kalmar sus nostaljias
Ariento las ermozuras paso las vakansas mias,
Las noches en algun flamenco los dias en las playas ,
Es una bivyenta hermoza, yena de alegriyas.
Kreo ke este pais es de kantes, de artes i flores,
Aze olvidar todas las ansyas i los dolores.

So un nasyonalisto, nunka troki mi sujesion,
Por este puevlo tengo una grande admirasion,
Echi al olvido el ayre del terible fanatismo,
Ke los arasto kon huersa serka el abismo,
Era una nasyon komo toparse en un grande seizmo
Ma kon los anyos se salvaron de akel pesemismo.

No se bive kon las memorias ke deshan los malos aktos,
Lores a Dios ,estamos kon estima i en muy buenos paktos.

Acerca de Haim Vitali Sadacca

So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: