Salamoniko II – En las aguas del Dardanel

Por:
- - Visto 262 veces

Dando vueltas al silindro de la dondurma ya me se esta kansando la mano, ama ya vino el onkli SAMOEL para darle el la vuelta.

Ah, aki esta mi PAPU ke vyene del KAL ande se fue azer ARVID, orasyon de la demanyana kon el tiyo NISIM AMIRA, el Hazan de la KIYLA.

Tambien vino el payton ke mos va yevar al Porto. El paytoncu, dirijente del payton, es amigo de chikez de mi Papu.


La tant FORTUNI tomo un kuvo yeno de agua i lo vazyo atras de mozotros miyentras kaminavamos para el payton. Azer esto es kustumbre sefaradi dezeyando kaminos buenos a los ke estavan despidyendosen.

KOMO DIZIR KAMINOS DE LECHE I MYEL KE TENGASH.

En el kamino parimos en el orno i Papu merko simites, borekas…liblibizes POR SI A KAVZO MOS DA BULANTIS..(si tendremos ganas de gomitar) i almendras ornadas tostadas del merchante de allado del orno…

estambulPasimos por el PEYNIRCI..(El vendedor de kezos) i merko un kilo de KASHKAVAL para el viyaje.

Tambyen en el kamino deshimos al tiyo NISIM el siyego a su moleriya de kahve.

En suvyendo las eskaleres del vapor me sinti ke tengo la kavesa en otro mundo. Estava vyendo kozas ke nunka pensi ke iva ver.

Suvimos mas eskaleras en el vapor asta ke yigimos a la kamareta del kapitan Naci Temizyurek, amigo tambiyen de mi Papu.

Ademas del kuarto de navigasyon….en kuadrado aviya 4 kamaratas mas para loz viyajantes, en el piso de abasho tambiyen aviya 6 kamaretas mas.

HARIKA (maraviya) para mis ojos, el vapor teniya dos ambares (warehouse) para meter las kargas situados uno adelantre i uno atras de los kuartos ande mos ivamos a echar.

De ande esto parado, esto vyendo en la isyedra la salida a la mar Mediterraneo, la naris de GELIBOLU/GALIPOLLI i las aguas del DARDANEL. Los dos puntos ande el enamorado ansiyano nadava para ver a su dezeyada…

En frente esta la sivda KILITBAHIR. Mirando a la derecha, veyo la entrada de la mar MARMARA.

ESTA ES LA DIREKSYON KE VAMOS A TOMAR PARA LA PRIMERA PARADA EN GALIPOLLI I DOSPUES DIREKTAMENTE RUMBO A ESTANBOL

I ABRASAR A MI MADRE I A MI PADRE.

Photo by Enrique Freire

Photo by guillenperez

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: