Ser la boz de los persegidos

En nuestro pais, aki en la Australia, la viktoria de Donald Trump fue bien resivida. Pensan ke va traer Una Era Nueva ke sera bueno para Israel i para el mundo. “No ay nada de malo kon Trump” se dize. “Trump fue víktima de la Media hostile. Todos se metieron kontra el, para azerlo kayer.” Por tanto fue el ke gano. “Yishar Ko’ach Chazak U Baruch”.Los ke tienen esperansa refuzan ser konfortados. Tomando kuento de la istoria de sus sufrimientos, los Judios fueron raramente optimistas. Ma nunka perdieron la esperansa. Por esta razón kuando los profetas vieron el mal en el mundo, refuzaron de ser konfortados. Al entrar al anio 2017, la legaría del anio pasado no nos rekonforta. Avia el BREXIT Referendum. Vimos a los Partidos Fashistos ganar fuersa en Fransia i Italia. Despues vimos a ‘Donald Trump” ganar en las eleksiones. Todo esto nos aze pensar al estudiante de la istoria. Mismo si no se deve komparar esto kon los anyos 1930 de Europa, el retorno de la Supremasia Blanka i los atakos sovre los grupos minoritarios, son kosas ke deven preokuparnos.

Nuestra istoria deve ensenyarmos ke la Media es igual a los Judios. Para los Judios de atakar a la Prensa hostile es adoptar la lengua del Anti-Semite. El imajen de Donald Trump no fue kreado por la Media. El mismo se lo kreyo. Lo konosimos de lo ke disho en el Tweet i en el Video Footage. No se por ke razón bushkan a ver el bueno i mostrarlo komo un justo.

Meldi una kosa interesante de Lubavitcher Rebbe, ke se basa sovre RASHI. Kompara a ESAV con LAVAN. Lavan era uno ke enganiava a la djente, ma no al punto de Esav. El no pretendia de ser uno ke no era. El Rebbe yego a la konklusion ke devemos tener kudiado de los ke se azen pasar komo justos en siendo el kontrario de esto. Yitshak fue enganyado por Esav por muncho tiempo al punto de ser siego. Ma kon el tiempo vido a su yerro. Malorozamente munchos Judios oy son enganyados por el Presidente Esav de nuestra jenerasión. Deshan ke la alejiansa avle en sus lugares. Se pozan la kestion “Ken es mas Pro-Israel? Donald Trump o Hillary Clinton? Es ke deve ser esto la sola konsiderasión? No kreo ke Trump sera mejor para Israel. Mismo si es, devemos tomar kuento del “Movimiento Populista Politiko” Estos lideres podrán ser Anti-Semites? No se deve dar soporte a uno ke dize “Las vidas de los Pretos no kontan”

Puedeser ke los Pretos avlaron kontra Israel. Kuando el Rabino “Abraham Joshua Herchel” kamino al lado de “Martin Luther King” no puedia saver si el Movimiento de los Derechos Siviles era totalmente limpio de Anti-Semitismo i del Anti-Sionismo. El pensó de amar al extranjero porke fuimos extranjeros en Ejipto. Se presento en primero komo un Judio i después komo el Partisan Judio. Venimos de selebrar Hanuka, la viktoria de los derechos de la minoridad. La Sivilizasión Judia sovrebivio i los ke kijeron eliminarlos desaparesieron en la istoria.”AM ISRAEL HAI” Lo ke muchos se olvidan de demandar es “Porke estamos Aki oy?” Para ser la boz de los persegidos. Ser la konsiensia de la umanidad. Una luz ke no deve desapareser del todo. Tornaremos a nuestros raizes i estaremos konektados kon la istoria.