Sientistas djudiós: Albert Einstein

Por:
- - Visto 1688 veces

Albert Einstein
Ulm, Almania, 1879 – Princeton, U.S.A., 1955))
De Nobelprize –Physics Laureates i Wikipedia – Internet

Albert Einstein nasio en Ulm, Almania en el 1879. Sesh semanas despues de su nasimiento su famiya se transfero a Monako, ande el frekuento el Luitpold Gymnasium. Su famiya se transfero despues en Italia i el kontinuo sus estudios en Aarau, Suisa. A la edad de 10 anyos empeso a meldar tekstos de siensia, matematika i filozofia, entre los kualos Kant i Euclides, la geometria del kual se ambezo a 12 anyos. En el 1896 entro en el Politekniko Federal de Zurigo, para azerse ensenyante de fizika i de matematika, i en el 1901 resivio su diploma i se izo sivdadino suiso. Komo no topo lavoro komo ensenyante, aksepto el enkargo de asistente tekniko en el “Suiss Patente Office”. En el 1903 el se kazo kon Mileva Maric, ke era su kompanya de estudios, siendo la unika mujer en su mizmo kurso de matematika. Ay diskusiones si eya lo ayudo en su lavoro, ma la koza no fue provada. Eyos tuvieron tres ijos. En el 1905 Einstein resivio su doktorado. Mientres ke lavorava en el Buro de las Patentes en Zurigo el izo una parte de su remarkable lavoro, i el 1908 fu nominado Privatdozent en Berna. En el 1909 el se izo profesor ekstraordinario en Zurigo, en el 1911 profesor de fisika teoretika en Praga, i tornando a Zurigo, okupo el mizmo posto. En el 1914 el fue nominado direktor del Kaiser Wilhelm Institute i profesor en la Universidad de Berlino.

En el 1914 se izo sivdadino alman, i kedo en Berlino asta el 1933. En el 1919 divorsio de Mileva Maric i se kazo kon su suvrina Elsa Lowenthal. En el 1933 el renunsio a su nasionalidad almana a kavza de las persekusiones nazista, i emigro kon su mujer a la Amerika, ande resivio la karga de profesor de fizika teoretika en Priceton, New Jersey. El se naturalizo amerikano en el 1940 i se retiro de su posto de lavoro en el 1945. Al prinsipio de su envestigasion el noto la inadekuansa de la mekanika de Newton i su teoria de la relatividad esta a rekonsilyar las leyes de la mekanika kon las leyes del kampo elektromanyetiko.


El envestigo las propriedades termales de la luz kon una basha densidad de radiasiones, i sus observasiones jeneraron la teoria del foton de la luz. El sostuvo ke una korrekta interpretasion de la spesial teoria de la relatividad deve fornir la teoria de la gravitasion, i en el 1916 publiko su papel sovre la teoria jeneral de la relatividad. El kontinuo su lavoro en Amerika i dezvelopo la teoria del kuantum komo un gaz monatomiko. Despues de la Sigunda Gerra Mondial, Einsein fue una figura de lider en el “World Govenment Movement”, i le fue ofresida la karga de Prezidente del Estado de Israel, ke refuzo, ma kolaboro kon el Dr. Haim Weizmann a la fondasion de la Universidad Ebrea de Yerushalayim. Einstein publiko sus envestigasiones en munchos livros, resivio munchos doktoratos de onor de Universitas de Evropa i de Amerika, en los anyos `20 dio munchas konferensias en Evropa i en Amerika, i resivio munchos premios i rekonisimientos de sus ovras. En el 1921 el resivio el Premio Nobel por la Fizika, en el 1925 el “Copley Medal” de la Royal Society of London, i en el 1935 la “Franklin Medal” del Franklin Institute. El se definio un anyostiko, ke kreia en el Dio de Spinoza, i era un sionista sosialista ke se opozava al nasionalizmo.

En el 1942 el Prezidente amerkano Franklin Delano Roosevelt le izo firmar una letra de autorizasion sekreta de uzar la fision nuklearia para eskopos militares. Despues de la eksplozion de la bomba atomika en Nagazi, Einsten ekspreso su regreto por aver firmado la letra. El tanyia el violino para relaksarse i la muzika tomo una parte emportante en su vida.

En el murio en el Ospital de Princeton, i antes de la kremasion de su kuerpo, le fue asportado el meoyo, kon esperansa ke la futura niurosiensia pueda deskuvrir kualo azia Einstein tanto entelijente.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: