El pasado 20 de junio se llevó a cabo la presentación del libro”La deportación de los judíos de Macedonia, Vardar y la región del Egeo” en la Sala de Conferencias de la Universidad de Sofía „Kliment Ohridski”. La presentación se fue hecha por Leon Benatov – representante destacado de la comunidad judía en Bulgaria, en ladino (djudeo-espanyol) y Spas Tashev – autor del libro que puede leer capítulo a capítulo en español en DiarioJudio.com.
- A continuación siguen las palabras de Leon Benatov en Ladino:
UN LIVRIKO CHIKO DE SOLO 86 PAJINAS (ojas) KON VALOR MUI GRANDE DE SR. SPAS TASHEV.
LA DEPORTASION DE LOS DJIDIOS DE MASEDONIA I DE AEGEAN AREA DE GRESIA – FECHAS I MITOS
Senioras I seniores, ekselensias,
Meldi kon mui grande interes el livriko. Esto es una koza maravioza. En tan pokas pajinas (ojas) ke se eksplikan tan importantes eventos, ke otros autores lo eksplikan en mas de 500 (kinientos) pajinas. I todo es eksplikado kon una logika de fiero, ke no puedes kontradesir.
Para esto felisitasiones para Sr. Spas Tashev.
Es klaro ke la sosiedad Bulgara i del mundo estan devidados a dos:
Los primeros ke apoian la idea ke el guverno bulgaro i el rei Boris III eran fashistos i antisemitos i los segundos ke Bulgaria era un aliado de Almania natzista de kompulsion i ke el rei Boris III reiuso a enganiar Hitler i de este modo salvo los djidios del reino Bulgaro.
I esto es el opinion del autor i el mio tambien.
Kon datos, dokumentos i fotos sr. Tashev esta demonstrando ke Bulgaria durante este tiempo estava un vasalo de Alemania natzi i no podia rezistar, pero (ma) salvo los djidios suios.
Io esto demandando los autores – anti rei Boris III- lokve podia azer el rei? Bulgaria se asosio a el Pakto de los tres a 1 marso 1943.
Un ekzemplo:
el vizino muestro Iugoslavia- el rei estava aziendo una politika semajenta de Bulgaria, en 25 III 1943 Iugoslavia se asosio a el Pakto de los tres,. Pero (ma) fuersas debasho de la influensia de London o de Moskou azieron golpe de estado en 27 III -1943 i las tropas de Alemania entraron ai en 6 aprli 1943. I de este modo empeso la tragedia de los djidios inkluzivimante i de Masedonia.
Lokve se akontese oi.
El guverno de Masedonia i los djidios de Gresia estan aziendo una propaganda kontra Bulgaria. La kulpa para los viktimes inosantes serka 11 000 djidios es metida de Bulgaria i el reio suio Boris III.
Una mentira de Masedonia.
En el livro se amostra un dokumento de Masedonia ke Bulgaria resivio de Alemania 300 doiche mark para kada embiada “kavesa djudia”
La verdad es ke Alemania demando de Bulgaria pagar 250 raih markas para kada djidio. El guverno disho ke es mui karo.
Esto ke Bulgaria primiva pagar, pero (ma) no resivir paras (dineros) es la verdad i rekomendo a la autor ke lo mete en el livro i este echo.
Vas a ver en los fotos ke en la deportasion en Masedonia tomaron parte i soldatos alemanos i komo oi en Masedonia trokaron este foto solo kon soldatos bulgaros.
En el livro es deskrivido komo un djidio Rafael Kamhi de Gresia los salvaron los amigos suios ofisialos de la tropa bulgara. En el ultimo momento vino el papel del rei Boris III i lo kitaron del vapor en la sivdad Lom. Pero la famia suia ia estuvo embiada a los kampos de muerte. En su memorias Rafael Kamhi deskrivio komo los grekos estavan mirando komo arekojivan los djidios i no estavan aziendo nada.
I ke azemos un paralelo kon Bulgaria ande grupos de intelektuales, la eglisia ortodoksa- como una institución oficial, daron un apoio para los djidios.
A kausa de esto el rey Boris III kanselo la ekspulsion de 8000 djidios de Bulgaria de Marzo 09, 1943.
Ochos dias mas tadre 43 miembros del parlamento bulgaro adelantre kon Dimitar Peshev- el vicepresidente de la Asamblea Nacional presentaron una deklarasion kontra la deportasion de los djidios. Algunos investigadores( profesor Ilcho Dimitrov- quien fue ministro de Cultura en el govierno de Todor Zhivkov) pensan ke esta deklarasion era demandada del rey para justifikar a Hitler.
No se akontesio nada de esta manera i en Masedonia para defender lo djidios.
En el livro ai ejemplos para salvar djidios en Macedonia, pero (ma) estos son actos de funcionarios búlgaros de la administración. Un eklestiastiko (papas) de la eglesia bulgara lo kolearon de la eglizia deke estava konvertiendo djidios para salvarlos. Otros bulgaros salvaron el entrenador del club de fútbol.
Kuala es la kulpa de Bulgaria para estos inosantes 11 343 djidios embiados a los kampos de muerte?
Siguro ke entre los polisaies i los ofisialos de la tropa avia antisemitos. I el komporto kon los djidios era kruelo. Una parte de la propiedad de los djidios era arovada de estes funksioneros an lugar ke entra en la tesoreria de el estado. Ma (pero) las mas grande parte de soldatos ne tenian dinguna kulpa. Eios estavan obzervandos órdenes.
Ia se save ke ke en la istoria i la vida ai lideros (personas) ke planean la politika de un pais.. Para esto es mui importante ke se reponde a la kestion
Era el rei Boris III antsemito?
Komo fue imponedo la Ley de protección de la Nación?
Spas Tashev amostara un dokumento ande se dize: Io (el rei) RETRASI MUNCHO i NO KERIA KE LO AZEMOS I MOZOS, pero agora kuando lo tienen en Rumania, Hungaria i aun en Fransia desidi ke es mas mejor KE LO AGAMOS MOZOS EN LUGAR KE LO IMPONEN”
Prime aboltar atansion a las palavras: RETRASI MUNCHO i NO KERIA KE LO AZEMOS I MOZOS,…. KE LO AGAMOS MOZOS EN LUGAR KE LO IMPONEN”
Dos ekzemplos ahvuera del livro ke dan repuesta si el rei Boris III era antisemito
Noviembre 1933, Berlin. Los natzistos aferaron doktor Artur Maier (amigo de Boris III) i lo maltretieron. Kuando se torno en su kaza el mato su mujer ya sí mismo. En funeral todos funksioneros de la embasada bulgara adelantre kon el Ministro de Relaciones Exteriores metieron korona kon las palavras ” De el tuio bueno amigo Boris de Bulgaria”
Agosto 1939 del Monte Musala Boris III se fotografio con un grupo de mansevos djidios. Esto es dias ante ke ampesa la segunda gerra mondiala.
En el kavo io penso ke sr. Spas Tashev es un patriota, ke amostra la verdad de los eventos ke se akontesieron durante estos anios del Olokosto.
Grasias para vuestro atansion.
Artículos Relacionados: