Bever…

Por:
- - Visto 208 veces

Diario Judío México-

AGUA ES VIDA I TODOS LOS SERES LO NESESITAN “KOMO AGUA” !…

KON ESTO EGZISTEN PERSONAS KE NO LES PLAZE BEVER AGUA PORKE DE UNA MANERA PREFERAN OTRAS BEVIENTAS SAVYENDO KE ESTOS NO SON BASTANTE SANOS, LO MAS POR SUS KONTENIDOS EN AZUKAR O MAS MAL, EL “ASPARTAM” O EL ALKOL……


KE AZEMOS ?
AY ALTERNATIVAS… I UNA DE ESTAS ES “MEDISINA” PARA LA SALUD I MUY PLAZIENTE AL BEVER…

MIS LIKIDOS PREFERIDOS :

1. “EL RIO FRESKO”

– (1,5 – 2 Litros) de Agua Buyida
– 2 bolsikas de te vedre o te de frutas aromatikas
– El sumo de un limon (o medyo para los ke no keren agro)
– 4 klavikos de komer
( karanfil – klavos de clavel – clou de girofle -clove)
– 1 paliko de kanela (el polvo si no lo tenesh en palikos)
(cinnamon – tarchin)
– un pilishko (!) de ginger – un pedaso fresko si tenesh !
(jengibre- gingembre – zencefil )

Meter una kuchara de metal aryento de una ermoza kanata
(para ke la agua buyendo no la rompa !) i vazyar todos los
ingredientes en la kanata antes de ajuntar la agua buyendo.
Meneyar bueno i deshar unos kuantos minutos antes de
kitar las bolsikas de te de aryento.

– se puede ajuntar agua de temperatura ambiente ensima del
“RIO FRESKO” i bever kon keyf el diya entero !
Vos va gustar !

2. “DELIZIA”

– Unas 15 frezas freskas i ermozas -cilek-
– 2 rondelas de ananas
– unas ojikas de menta
– unas rondelas de ginger fresko (zencefil)
– el sumo de medyo limon
– si tenesh ojas freskas de kekik
( tomillo – thyme – sariette )
– ajuntar azukar si lo dezeyash ma mijor sin azukar para la salud.
i agua yelada…. Deshar repozar unas 2-3 horas…. Tendrash
un likido delisyozo para bever el diya entero. Las frutas se
komeran tambien en bevyendo el likido.


3. “AVRAMILISSIMA”

Buyir 2-3 kilos de avramila (zirguela) korolada en 2-3 litros de agua por kuaji una hora. El sirop sera onktuozo. Lo vash a bever en ajuntando agua freska en la kupa. Dospues ke se va yelar lo vash a filtrar i eskurir en bokales ke se puedran guadrar al fresko. La avramila es yenna de vitamina B i un “DETOKS” maraviyozo.

4. “MI SONYO KOLORADO”

– 8 a 10 domatas peladas i kortadas pasarlas por el blender
– ajuntar vinagre balsamiko – 1-2 kucharas
– i el sumo de limon (kuanto keresh. A mi me plaze sin limon)
– i meneyar bueno bueno kon un poko de pimyenta preta
– el sal no es konsejido para la salud ma……

Guadrar al fresko i bever kuando tenesh ser….

Este likido majiko vos va derritir la gudrura del puerpo
vos va arrefreskar i es muy bueno para el korason i la sangre.

TODO ESTO, POR SEGURO SI NO TENESH ALLERGIA
A LOS INGREDIENTES….

Salud buena para todos.

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: