Kit kerido,
Es posivle ke es porke bives en Amerika i te topas entre los Ashkenazim i no en los serklos de los Sefaradim ke estas mal informado? Por largos siglos la kapital de los Sefaradim fue Constantinopolis (Istanbul oy) kon lo mas de savyos Judyos, kon una populasyon instruida de alta kalitad en todos los puntos de vista, alora ke los Ashkenazim se konsideravan minoritaryos i vistos komo eyos ven a los sefaradim dayinda oy en Israel…
Kale akseptar el fakto ke somos todos Judyos ma puevlos diferentes, kon diferensyas kulturalas, mizmo relijyozas, sosyalas, etnikas, linguistikas, fizyonomikas.
Somos komo los muzulmanos del Magreb i los del Indonezya por egzemplo…. Ves mi punto ? Por seguro ke tenemos sekulares en las dos ramas i estos, porke no tienen la pression familial, del entorno i de las eskolas son mas libres i pueden mas fasilamente asimilarsen a los puevlos en los kualos biven.
La verdad es ke munchos mansevos Judyos malgrado ke nunka lo diran klaramente, keren ser kontados komo uno del estado ande biven, no keren ser appuntados del dedo komo un etranjero o “un judyo” rechesado kon el antisemitizmo o del islam (los ke biven en payizes muzulmanos).
Los minoritaryos tuvyeron siempre problemes.
Muestros tiempos no son mas los tiempos de la inkizisyon. El nazizmo fue serka. Kedo el espanto i el stress. Esto no dezaparesyo. Era un horror demasyado fuerte por los ke bivyeron o mizmo oyeron las atrositades ke los Europeos kometyeron, si non todos, la grande majoritad.
Los Sefaradim peryeron serka de 1 milyon de sus ermanos en la Segunda guerra. Todos avlantes del Espanyol i membros de buenas familyas.
Mos desplumimos…
Agora… Yo digo ke es la importansya ?
Todos los humanos tenemos una vida de bivir i esta vida pasa muy presto. No basta ser una buena alma ? Kreyer, alavar i adorar Di-o ?
Pensas ke mos aspera un kastigo si lo adorimos de esta manera o de la otra ? Frankamente yo NO.
No kreyo ke kale dar mas importansya de lo ke kale a siertos rituales, konseptos, disiplinas, kategorias de personas, rasas, apartenensya etnika ets…. Todos iremos sin nada, komo nasimos, a un mundo eterno kon la esperansa ke vamos a kontinuar de egzistir spiritualmente.
Now… What s the big deal ?
Un yerro aki, un yerro aya, uno tiene razon, el otro no, el de mas aya save mijor blah blah…
Guadrar la soriza, ser alegre i tener el keyf de bivir, kantar Alleluiah fina el d’alkavo momento.
Amar su ermano humano fina la linya en la kuala vemos ke la persona no es dinya de muestra attensyon.
Alora, aboltar la kara i alesharse sin un biervo mas…
Kon amor
Sharope blanco
Kerida Sharope
Asta el kuatren siglo, fueron mas proseltitos a djudaizmo ke a kristyanizmo, la unika eksepsyon syendo de los parlantes de gryego nelos barryos povres del empiryo romano. Fuera de los klerikas (anke de favla gryego, afilu en Roma o Milano) los kristyanos fueron kuaji 100% analfabetikos. En kontrasto, entre los italyanos mezmos, kuaji todos alfabetikos, fueron miles de konversos a djudaizmo durante los dos primeros siglos de kristyanita. Es por esto ke todos las provas djenetikas muestran ke un grand’ porsentaje dela desendensya ashkenazi i sefaradi es italyana, i pokissimo es gryego.
Es lojikamente inkoerente meter una propozisyon ke suponga ke analfabetikos seriyan atraidos venirses “puelvo del sefer.”
*) “Schneerson invento el Baal teshuva”
Basta dizir ke la ekspresyon ya tyene mas ke 2000 anyos i ke no vash topar ni un siglo sin baaley-tshuva.
*) “Parese ayinda ke el sefaradizmo se mantyene in syertos lugares de Israel, i de las dos amerikas. ”
No es korrekto – sin kriaturas de favla i kostumbres spanyolas, no se mantyene en kualker lugar Vuestros avos fueron djudiyos fiyels i konvintos, i no ivan a ser kontentos de ver ke la mayoriya de sus desendentes son kamaron-komyendos apikorsim.
Imajinad – al risko de sus vidas, kon su presyo de eksilo, pegaron a sus fe.
Otro fecho es ke kada esfuersa de trokar la ley para fazer un djudaizmo mas fasil fayo kompletamente.
Nelos Stados Unidos, kada anyo 10,000 personas deshan kales reformas, i las kales ortodokses ganan 5,000 personas. No solo los sefaradiyes, ma todos los djidyos non-observantes son nel sendero a ekstinksyon fuera de Israel. Los sefaradiyes ke vinyeron alos Stados antes dela guerra sivil amerikana no tyenen ni un desendente djudiyo, igual los yekes (alemanes) de los mezmos anyos. Solo en la komunita ortodoksa tenemos djudiyos ke son sesh o syete dorot en Amerika.
kit
Artículos Relacionados: