Keridos,
Korren dayinda mis lagrimas dospues de savorar el artikolo sovre la vida al doredor de Bet-Israel en izmir…. me emosyoni muncho kuando meldi ke ay dayinda novyizikas ke mos vienen de todo modo de payis a sus nido natal en los brasos de sus novyos para kazarsen ande se engrandesyeron…
Bet Israel – Izmir …mijorado del milenario !
Neve shalom en Istanbul es lo mizmo parap mozotros i las bodas aki son egzaktamente komo se deskrive en el artikolo. Tengo las fotos de mi boda kon la madmuazelika chika de honor ke estava echando flores ande iva pizar, endjuntos kon su novyiziko chikitiko ma muy seryozo ! Lokumikos ! Por seguro ke estavan tambien los mosyos i las madmuazelas todos shikes
kon chapeyos i guantes..dantelas, volanes, broderias, tules i shiffon kon tafta i lo mijor para estas bodas djudias alavadas ke se aparejavan mezes antes i kon muy muncha atensyon par el mas chiko detalyo. Agora dayinda esta lo mizmo ma solo vide ke las novyas ya no estan asuvyendo a la teva kon la kara tapada…. me disheron ke esta kostumbre se troko.
Me imajino lo ermozo ke estavan las kazas serka de Bet-Israel para los Shabates de demanyana i los dezayunos de las madres !
ke rikas memoryas, grasyas ke las kompartites kon mozotros.
Me izo muncho plazer.
Saludos amistozos a todos…
Sharope blanko en istanbul
Artículos Relacionados: