Diario Judío México - Despues de kargar los bagajes del Papa en la limusina, kuando abasharon del avion, el shofer ve ke el Papa esta en pies al bodre del kamino i no entro en  el auto….

“Ekskuzame, Su Santidad”, disho el shofer “puedriya, por favor, asentarse para ke puedamos ir ? ”

“Para dizirte la verdad”, disho el Papa, “no me deshan ke konduizga en el  Vaticano, y me gustara muncho azerlo oy aki ! “.

“Me desplaze, ma no puedo desharvos que hagash esto, perderiya mi empleyo, i, el Di-o ke no de, si vos afita koza ? ”  protesta el shofer ke por seguro kijyera estar en otro lugar en akeya demanyana…

“Azere una koza espesyal para ti… ” disho el Papa. No  sintiendose del todo komodo, el shofer paso detras komo se lo demando el Papa ke se asento al lugar del shofer…Ma immediatamente dospues se arrepintyo  de aver akseptado porke el Papa, dospues de salir del aeropuerto, akselero i la alguja del kadran yego a los  170 km/h .

” Vos rogo, su Santidad, mas lento… mas lento por favor” le dize el shofer tremblando entero ma el Papa no le aze kavzo i kontinua fina ke se oyen las sirenas de la polisiya…

“Di-os miyo, vo  peryer mi lisensya de konduizir !!!”, se eksklama el shofer.   El Papa se keda a la derecha del kamino i avre la ventana kuando el polis se aserka ma, supito, el polis torna atras a su motosikleta, avre la komunikasyon kon su chef i le dize ke esta kon una limuzina ke aziya  170  km/h.

” Ke problem tienes ?  Tomalo i trayelo aki ! ”

” No kreyo ke puedamos… Es alguno muy importante !”

El chef  grita ” No ay dinguna razon.. Seya ken seya!”

” No, kero dizir demazyado importante ! ” dize el polis.

” A ken apanyates ?  Al Alkade ? ”

” Mas grande !”

” Algun Ministro ? ”

” Muncho mas grande !”

” Un Senator ?”

” Muncho mas !!!”

“Hombre !  Diseme por fin ken es este…”

“Kreyo ke es Di-o mizmo !”

“Te estas burlando de mi ?   Peryites el meoyo ?

De ande estas inventando esto ? Ke te aze pensar

ke tienes Di-o enfrente de ti ? ”

”  Tiene el Papa komo Su shofer…. ”

 

 

Ke nunka peryash vuestra soriza…..

Sharope blanco

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


Artículo anteriorSe suma Salomón Chertorivski a Ricardo Anaya como responsable de Propuesta y programa de gobierno
Artículo siguienteUn brinquito a Makhtesh Ramon en el desierto del Neguev
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.