I….. Salir a baylar a la kula !

Por:
- - Visto 245 veces

LAS SAVORES DE LAS KOMIDAS JUDIYAS DE KALAVASA

De chuparse las dos manos i no solo los dedos kon el KALAVASUCHO de las nonikas !

  • Rayo 6-7 kalavasas en un resipiente en vidro o porselana
  • esprimo el jugo enteramente en un otro resipiente en apretando pedasikos entre mis dos manos
  • Vazyo un poko de azeyte de oliva en la kalavasa esprijida
  • 2 guevos
  • un punyado de kezo blanko rayado i kezo cheddar rayado
  • arina fina obtener un gomo blando
  • NO SAL – pormodo de los kezos salados !
  • un poko de pimienta

(se puede meter patatas rayadas, karotas rayadas, sevoyas rayadas, prishil, anito etc..komo vos plaze)


Mleskar lo todo esto ( de la blandor de la lingua !) iiiiiiiii meter este gomo en un tepsi ensima delkual ay muy poka azete o margarina.
Espandir el gomo delgado delgado ensima del tepsi. (max. 2 cm) i meter lo al orno fina ke se dore i se kozga.
—————————

KASHKARIKAS (kon avramila o sin avramila)

  • 1 kg de kalavasikas freskas
  • 1/2 kg de avramilas vedres
  • ajo majado
  • limon (dependyendo de la agrura de la avramila)
  • sal – pimienta
  • Medya kuchara de supa de asukar
  • medya kupa de azeyte de oliva
  • agua

Se pela la kashkara de la kalavasa godro de 3-4 mm en la largor
Se korta dospues a la anchor … 2-3 cm
Se kortan las avramilas de manera ke keden sin kueshkos
Se vazya en la kaldera las kashkarikas i la avramila.
Se adjunta sal, pimyenta preta, asukar, limon si es nesesaryo,
la azeyte de oliva
1,5 vazo de agua
i se desha kozar kon lumbre chika
Attensyon no kemar la komida komo me afita a mi !!!!!

SUPA DE KALAVASA FRESKA

Por la “Beshamel” se mete dos kucharas yennas de manteka en una kaldera i se aferra un gomo bastante blando a fuego chiko, en adjustando i derrityendo la arina. Se empesa a vazyar lentamente kucharas de leche para pujar i dar savor a la Beshamel. Adjustar pimienta i sal…. Fina obtener un gomo bastante blando komo un “malebi”. Por seguro ke se meneya sin kedar kon una kuchara de tavla. El metal no es bueno.
La krem beshamel …Egziste mujer judiya ke no save azer esto ????? No kreyo !

A este “malebi” (mahallebi) se vazya en meneyando presto presto el esprimido (jugo) de kalavasa (ke se aviya obtenido en azyendo el kalavasucho !), una kupa de leche, una kupa de agua, anito i preshil si ay en kaza, komo una kupa de kalavasa rayada (ke sovro del kalavasucho) sevoya freska kortada finamente si ay, ajo a ken les plaze….
Almendras blankeadas raydas son muy savrozas kon esta supa….
Deshar kozer en emleskando la supa de vez en kuando….

REYNADAS DE KALAVASA (la dolma !)

Por el gomo de la dolma nesesitamos :

  • 1 kilo de sevoya kortada muy fino
  • un punyado flosho de prishil kortado fino
  • un punyado flosho de anito kortado fino
  • un punyado de menta freska kortado fino
  • (si no ay fresko meter menta seka – 1 kuchara de supa)
  • 1 kuarto de kupa de esprimido de limon
  • sal – pimienta preta molida
  • pinyones – un punyado – lavar i meter en mojo
  • pasikas pretas (kush uzumu) – un punyado lavar i meter en mojo –
  • un poko manko de medya kupa de asukar
  • 1 kupa de azete de oliva]
  • 1 kupa de agua yelada
  • 3 kupas de aroz

i rogar al dyo ke salga bien 🙂

Se mete en una grande kaldera la sevoya
kon la kupa de azete d’oliva
se sofriye (doradas ma no muncho)
se adjusta el aroz los pinyones i las pasikas
la sal, la pimienta, el limon i la asukar
se meskla lo todo i se adjusta prishil, anito i menta
SE PUEDEN INCHIR KON KARNE TARTIKADA tambien.
Kon el mizmo gomo inchimos piperushkas, tomatas, sevoyas, ojas de kol
adjustar agua – fina ke kovre todo
i salir a baylar a la kula !!!!!!!
mamma yo kero, yo keeero la chupeta……

Madre mia bendicha ! Tan savrozas kozas no kale ke egzisten ! Todas son mis reseftas… Fueron echas i fueron komidas fina ver el fondo de la kaldera !

Salud i braha
[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: