Muy interesante komo las personas puedyeron namorarsen de un artisto

(komo mas lo puedo yamar ?!!!!) komo Jean Michel Basquiat, i dar montantes astronomikos para lograr una de sus ovras !!!  Es bueno si dospues de una expozision de sus pinturas (o lo ke son !)  no vos entra dolor de kavesa o no vesh pesadillas en durmyendo la noche !  Para mi es demasyado trololo i leshos de todo modo de signifikasyon del ke es ermozura, el poder de una profunda emosyon, la expression de un sentimento sublimo, de bushkar i performar los dezeos humanos, reflektar el puevlo mizmo ! Es un produkto global i internasyonal sovre todo.

Kon todo esto, es vedra ke kon tiempo, komo en todos los ramos del los artistos tomaron kaminos aventurozos, mizmo peligrozos, para reflektar sus almas lo mas disturbadas, non satisfechas, sus miente pezgazamente influensada por las drogas, las negras frekuentasyones, familyas espedasadas

i otros faktores nefastos.  Es vedra tambien ke  "el ojo ve i la alma dezeya!" i a fuersa de kerer "ser komo un tal !"  o  "enrikerse presto !"  "toman por la

kola"  las ovras de un Dali, Picasso, Kandinsky etc... i tratan  de krear un muevo stilo, lo mas sin kavesa ni kola !  Se olvidan ke estos maestros fueron los primeros...  I, la vedra es ke lo mas de las personas sezudas toparan ke este ke se les eskudya es un lavoro de "idiotas"  ma, por sedaka, no lo diran !!!  Al kontraryo lo alavaran para ser interesantes, hombres de alta kultura, de gusto fino !!!  Trataran o akseptaran de pagar montantes inkreyibles, fuera de toda logika para "ke se diga! ", para publikar sus rikezas... Vos demando.... Ken kijyera meter en frente de su nariz un tablo komo el de ariva i pagar milyones de Dolares en Christie's o otros lugares del mizmo kalibro para esto bueno.....Esta dezgrasya !.... Grasyas al Dio, yo NO !  No se kere dicho ke sus ovras se estan monstrando en los mas grandes muzeos del mundo... Kapak kayido !

Ayyyyyyyyyyy no eskapo !  En November 12, 2008, un tablo de Lars Ulrich  SE VENDYO EN CHRITIE S  por  Madre miya bendicha  ! 13.522.500,-  DOLARES...  i el rekor por un BASQUIAT fue  en 1981 en SOTHEBY S -    14.600.000,-  DOLARES....

Me esto ezmayando...... !!!!  Travaron filmos, eskrivyeron livros, kompozaron poeziyas sovre este sinyor.... Yo no teniya oyido el nombre de la ochena maraviya del mundo fina en serka ! Agora ya me siento mas kultivada....

BESQUIAT....Un grande delinquante, hombre gay del sieklo pasado... (1960-1988)   empeso a su edad chika a desinar  Grafiti en los muros de .

Fue un grande talento artistiko del Neo-impressionizmo.

Se muryo a sus 27 anyos de una overdoza de heroin.  Era un Afro Amerikano de Port-au-Prince en HAITI.  Nasyo en Brooklyn-. Pormodo de sus orijinas avlava fluentamente el Fransez, el Espanyol i el Inglez.

Su padre lo echo de kaza, se kedo en las kayes... Formo una banda de Rock kon sus amigos i empeso a lavorar en un night club.  Partisipo a unos movimientos artistikos i empeso a ser konosido.

Sus ovras neo-impressionistas tuvyeron un sukseso immenso en Manhattan, en Los-Angeles i en la Europa.  Tuvo una kurta amistad kon la selebra Madonna en 1982 i dospues kon David Bowie.... Es konosido por lavorar ensima de sus ovras kon kostumes muy karas de ARMANI  !!

El Magazin The Times lo lanso en su artikolo   " Muevo , Muevo Dinero, el Marketing de un Artisto Amerikano "

Kon todo esto... El heroin destruyo sus relasyones kon las personas a su deredor... Tento de kurarse en HAWAII sin sukseso.  Es en su atelye de ke se injekto la overdoza ke lo iva arrankar de este mundo...

So idolo era .  Un artisto muy konosido de la mizma epoka de el.  Tuvyeron una grande amistad endjuntos ma malgrado su immensa fama en sus serklos, Warhol era muy selozo i kuando se muryo en supito de la arritmia de su korason en  1987, Baquiat peryo kuaji su equilibro i kontinuo de drogarse fina la d'alkavo injeksyon.

SIN COMENTARIOS

Deja tu Comentario

A excepción de tu nombre y tu correo electrónico tus datos personales no serán visibles y son opcionales, pero nos ayudan a conocer mejor a nuestro público lector

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorIsrael logra un subcampeonato y 2 medallas en campeonato Europeo
Artículo siguienteIsrael: Dos Amenazas
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.