Ke dezgrasya !…

Por:
- - Visto 217 veces

Keridos ,

Resivi un dokumento ke me desho enteramente sorprendida, la boka avyerta,
los pelos a la roves i entera tremblando !

Traduizi este dokumento eskrito por JOEL RUBINFELD en fransez para
pueder informarvos i kompartirlo kon vozotros !


ANDE MOS ESTAMOS INDO !! ? KE ESTA AFITANDO OTRA VEZ ! ?
LOS TRIBUNALES GREGOS AKSEPTAN EL DERECHO DE SER ANTISEMITO !

El avokato, militante neo-nazi de Gresya, Kostas Plevris, yemah shemo, esta akitado ! Libre ! Afuera de prizyon ! Gano el proseso el 27 Mars 2009 dospues ke el corte lo aviya topado kupavle, en primero, en Disiembre 2007 i lo aviya kondanado a 14 mezes de prizyon.

Eskrive en su livro ” LOS JUDYOS, TODA LA VEDRA ” ke inyega el holokosto, alava la ideolojiya del nazizmo (!) i kalifika los judyos klaramente de “Parazitos internasyonales” ,ke “el komportamiento kriminal de los judyos eksplika los aktos nazis kontra eyos i ademas los justifika ” .

El Corte Major de Athena anulo la kondanasyon para “el rasismo i la insitasyon al odyo i a la violensya rasial.”

El Komite de Koordinasyon de las Organizasyones Judiyas de Beljika esta revoltado de lo e okuryo en un payis miembro de la Union Europeya ande ya se esta topando demasyado literatura antisemita, i ande se esta puediyendo proklamar sin dinguna rezerva el odyo a los judyos kon un deskaramyento total, al nombre de la libertad de ekspresyon ! Este Komite Judyo de Beljika esta entaramenta solidaryo kon el Konsilyo Sentral Judyo de Gresya i tiene la intension de prezentarse al Korte Supremo para demandar ke este verdikto se anule porke estruye los fundamentos de todas las sosyetades i esta en kompleto desakordo kon los prensipyos de baza de la Union Europeya.

Partidas tomadas del livro “Los Judyos, toda la vedra” :

“Espertavos. Los judyos perfidios estan eskavando vuestras tombas. Espertavos i echaldolos eyos aya porke lo meresen.

El mundo sivilizado lo kulpa ! Esta deshando estos parazites internasyonales ke se yaman judyos. La hora de azer demonstrasyones se esta aserkando !

Sus komportamiyento kriminal eksplikan los aktos nazis i ademas los justifikan. Judyo i hombre son dos kozas ke no konkordan ! Kere dizir ke el uno ekskluye el otro !

La Historya de la humanitad va akuzar Hitler, (yemah shemo !) de no aver eksterminado los judyos de la Europa alora ke lo puediya ! ”
Los despresyamos por sus moralitad, sus relijyon, sus aktos… Todo esto es una prueva ke son una rasa debasho del hombre !

No puedo tolerar ke los asasinos, los ladrones, los parazitos i los ke enkonan la
sosyetad …..puedan kalumniar los admiravles sosyalistas nasyonales.

El Zyklon B no era otra koza de un gaz toksiko para dezenfektar las kamaretas de gaz. Todo el resto son mintiras de propaganda. No kedesh debasho de la propagando judiya ke vos esta enganyando kon sus mintiras sovre los kampos
de konsentrasyon, las kamaretas de gaz, los krematoryos i otras historyas del seyadiziyente holokosto ! Soy un nazi i un fashisto. So rasisto i anti demokratiko i so antisemito !

Traduizido por Sharope blanco

ELOHIM LISHMOR ! EL DI-O KE MOS GUADRE DE ORA MALA, DE ESTOS LOKOS DE ATAR, GUERKOS KON FIGURA DE PERSONA HUMANA !

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: