Diario Judío México - Diario Judío México

Un komandante de la armada Ingleza
le dize al famozo korsaryo Robert
Surcouf de St. Malo :
– Vozotros luchash para el dinero ma
mozotros luchamos por muestra honor !
El pirato Fransez le responde :
– Kada uno lucha por lo ke no tiyene..

Lady Astor a Churchill :
– Vozotros, senyor, sosh un borrachon !
Churchill le responde
– Amanyana yo estare sobrio ma…
Vozotros, Madame, sosh feya….

Los dos son politikos del Siglo 18.
Montagu le dize a Wilkes :
– No se si vash a murir enforkado o de Sifilis !
I Wilkes le responde :
– Esto va depender, Sir, si vo siguir vuestra
politika o si vo abrasar vuestra namorada….

Cindy Crawford i Amanda Lear estan en un kokteyl.
Cindy : Grasyas por averme embiyado su livro.
Me enkanto. Ken es ke vo lo eskrivyo ?
Amanda : Me komplaze enormamente ke apresiyatesh
mi livro. Ma…. Ken es ke vo lo meldo ?

El mundo entero saviya kuanto el prens de Conde
era feyo i su mujer lo enganyava sin dinguna
verguensa ! Un diya el prens deviya partisipar a
una batalya i le disho a su espoza :
– Senyora, vos rekomendo de no enganyarme
durante el tiempo ke estare en el fronte.
– No mi kerido ! De dinguna manera ! Puede irse
trankilo. Tengo ganas de enganyarvos kuando vos
veyo solo….

Churchill estava avlando kon Bernard Shaw ke
era muy muy flako :
– Al vervos la gente pensariya ke los Inglezes
se estan muryendo de hambre !
– Oh senyor ! Al vervos todos pensariyan ke
es pormodo de vozotros !

Lady Astor, famoza por ser muy feminista estava
un diya en el palasyo de Blenheim, la morada de
Churchill. Estavan diskutyendo de los derechos
de las mujeres. Winston era un grande chauvinisto !
– Winston… Si era vuestra mujer meteriya veneno
a su supa !
– I si yo era vuestro marido, Nancy, me lo beveriya !

En el Konservatorio Nasyonal de Arte Dramatiko,
Louis Jouvet, el profesor, le dize a Francois Perier,
su elevo :
Si Moliere viya komo interpretas su Don Juan,
regreseriya a su tumba !
Vos olvidatesh ke vozotros lo interpretatesh antes
de mi… Esto lo va aboltar dunke a ande estava !

Durante los funerayes del Marquis de Boufflers
un amigo le disho a la Marquise :
– Madame… Por seguro ke vuestro marido vos
va mankar muy muncho !
La bivda sospiro.
– Por seguro ma a lo manko vo saver ande pasa
sus noches.

A la fin de un pranso organizado por Churchill
su mayordomo ofrese puro a los envitados en
sus cashika. Uno de eyos toma sinko puros i los
mete en su aldikera, dizyendo :
– Son por el kamino de torna.
Churchill le responde :
– GRasyas por aver vinido de taaaaaan leshos.

Kon karinyo
[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorLe député jordanien Tarek Khoury appelle à attaquer les bases militaires israéliennes à l’intérieur des frontières de 1967
Artículo siguienteNew York Yiddish activities April-May 2019
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.