ANDE ES EL PARADIZO ?
Plazeres inventados, suenyos dorados
De la karesa de los ventos suavos o lokos
Del sol ardiente bronzando los puerpos…
De la luna mistika ke banya los namorados
En las plajes blankas i kantones maraviozos..
Suenyos de la kolor roze de los vinos
La borraches de la dulsor de los bezos
De los bayles i abrasos karinyozos
De la kolor de las flores i de pasharos
Ke bolan solo en los payizes de los tropikos.
Me veyo espandida frente al sol ke se piedre
En el sielo ensendiado, leshos en el horizonte
Aminguandose i dezaparesyendo kompletamente..
Aparesen miles de estreyas en la noche kaynte
Komplisa por konoser los sekretos de mi miente…
Me eskarinyo de la luz de tus ojos en lo aleskuro
Asemejados a esta mar klara mizmo en lo profundo.
Me siento soriyendo, felis i livyana… nadando
Nadando en las aguas limpyas komo un espejo.
El espejo de los timultos de mi vida i de mi destino.
Sharope blanco
Artículos Relacionados: