Vos prezento un eskrito “ermaniko” de mi
DEFORMASYONES LEJITIMAS en
https://diariojudio.com/opinion/deformasyones-lejitimas/300622/
No me akodro egzaktamente…. Me kontaron o meldi esta “horror” ke yo no digo ke es una “horror” ma una chika kesha por vedra !!!
Kuando el senyor de la kaza dize :
“Na, no mos se troko el mazal ! Tu ija, mi mujer, no puido kedar prinyada…” i no dize :
“Dio no mos dyo kreaturas… O no puedimos tener ijos…”
Me vash a dizir es una deformasyon de la lingua !
NO !
No es la deformasyon profesyonal
No es la deformasyon lejitima
No es la deformasyon de la lingua
ES EL DEZMODRO DEL SEKSO MASKULINO !
Estos maridos, ke no mos manken i siempre seyan a muestros lados, diran :
“MI IJO reusho en la vida, es avokato i es kazado kon tres kreaturas bombonikos…I su mujer es avokata tambien…. Se keren muncho bien, guadrados de nazar ! Ma….
“Es TU IJO ke aparejo todo esto bueno ! Ya se lo dishe sien vezes ! No ay ken me oyga aki ! Tu i tu ijo sosh los mizmos ! No vos juga la kavesa para nada ! A lo manko oyidme ! NO ! Ni esto lo vash azer ! De salir lokos en esta kaza !”
Grasyas al Dio, no todos son los mizmos….. Korasonikos por mi vida estos hombres kazados ke nunka miran a la siedra i a la derecha i NUNKA vana dizir TU IJO/IJA o MI IJO/IJA ma siempre MUESTRO IJO/IJA…..
Ande se topan he ????
Bombonikos i chikolata para todos……
[email protected]
Artículos Relacionados: