Los vere enforkados !

Por:
- - Visto 207 veces

En Israel la paz es importante sovre todo
Ma si no ay remedio, malgrado el esfuerso
I si los Israelis Judios no son rekonosidos,
I sus enemigos persisten en los suyos
Seremos prontos a defendermos padres i ijos.

Aron Zavaro, Tel-Aviv

—————————————————————


I Sharopika endjuntos !…

LOS VERE ENFORKADOS !

Mizmo a mitad vieja, kosheando,
Kuaji siega i kon difikultad respirando
Mil guerkos del Gehinnam espantandome !

Kaveyos kuvriyendo mis ojos i kayandome
La fusta arazgada, detenyendo un piron largooo ,
Botes de kauchuk, chapeyo kon pluma, arugado
Ma bastante sharonfonfon para el sol i la luvya…

Para trokarme i durmir un sako en mi espalda
Aniyo de un Dolar del shouk en mi dedo
Una kadena en la garganta para saver ken so
I un pedasiko de shokolad en la aldikera…
Avyanas si tengo ambre kon un bokal de agua
Vengo… Asperameeee Franja de dezgrasya !

… I ke se espanten porke si mos azen danyo
Konto enklavarlos chak chak chak chak
A las paredes de sus kazas i al tejado !
Kon klavos grandes komo mi mano !

Para ke no puedan mas vinir ande mozotros
I matarmos sin espanto, hazinos, mujeres i chikos
Komo si eramos moshkitos biz biz bizzzzzz !
Manko los vereeeee ! Dezgrasya de koza kon estos !
Ya me trusheron inyervossssss !

Sharope blanco
—————————————————————

Keridos amigos,

Ay unos kuantes giornadas ke estoy meldando lo ke se eskrive en muestro Sefaradimuestro ke leo kada demanyana primera kosa de la giornada.

Mi opinion es ke Netanyahu i sus amigos no estan pensando bastante al futuro de Israel komo tantas veses i si bueno lo ekspliko muestra hahama de Sharopika.

No se puede azer pas kon el ke no kere pas i mismo si se aze no sera pour tura. Estos no honoran paktos i sinyaturas. No los podemos azer konfiansya. Mos aboresan i embezan sus hijos komo matarnos.

Komo azer paz ansina ? I meten fuego a la bandiera de Israel i de Amerika. Yo no kreyo al ansina de paz. Mijor azer kreaturas i siempre ser fuertes mas de eyos si keremos sobrevivir. Sino non tenderemos chance de guadrar el pays.

Nochada buena a todos kon amistad

Mosh

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: