Palestina ?

Diario Judío México

LOS PALESTINIANOS I LOS PHILISTANOS
LA PALESTINA I LOS PALESTINIANOS
NO SON LA MISMA KOZA.

UN PUNTO DE VISTA JAPONEZO
POR YASHIKO SAGAMORI
Se avla de “LA FIN DE LA INJUSTA OKUPASYON JUDIYA DEL TERRITORYO ARABO ”
Es vedra ke el mundo esta fina este punto estupido ?
KESTYONES ENTERESANTES PARA LOS AVOKATOS PALESTINYANOS

Si estash tanto siguros ke “la Palestina”, el payis, estuvo siempre rekonosido historikamente, espero ke serash kapaches de arresponder a unos kuantas kestyones de baza, sovre este payis “palestina”.

1. Kuando el payis se fondyo i ken lo fondyo ?
2. Kualos eran sus frontieras ?
3. Komo se yamava su kapital ?
4. Kualas eran sus sivdades importantas ?
5. Kualas eran las bazas de su ekonomiya ?
6. Komo se administrava ? (forma de governo)
7. Puedesh nombrar un otro lider palestiniano antes de Arafat ?
8. Kuala era la lingua de la Palestina ?
9. Kuala era la relijyon dominante de la Palestina ?

10. Es ke la Palestina fue rekonosido ke un payis lejitimo, antes o agora, sin deshar lugar a la duvda ?

11. Ke era el nombre de su moneda ? Eskojed una data kualkera en la historya i digadmos ke era el porsientajio de kambyo aproksimativamente de la moneda palestinyana kon raporto al Dolar Amerikano, el Mark, la Sterling, el Yen Japonezo o el Yuan Kinezo i a ke data ?

12. En fin, este payis ke no egziste oy, kuando dezaparesyo i ke fue la razon ?

13. Vos estash lamentando del fayasimyento de una “nasyon” ke fue “orgulyoza”. Kuando esta nasyon tuvo orgulyo i de kualo fue orgulyoza ?

Si los puevlos ke kon error estash nomando “palestinianos” no son arabos jenerikos ke yegaron -o ke fueron rechesados- del mundo arabo, tienen de vedra una identitad etnika ke le da el derrito a la otodeterminasyon, deke nunka trataron de ser independientes antes ke los arabos peryen,de manera kategorika, la guerra de los 6 diyas ?

Espero ke no serash attrayidos de asender jenealojikamente los “palestinyanos” de oy a los philistanos de la Biblia, utilizando la etimolojiya, porke esto no va ser posivle historikamente !

La vedra devra ser evidente para todos. Los payis arabos nunka abandonaron el suenyo de destruyir Israel. Oy dayinda, esto es el uniko motivo en sus politika.

Fina oy no puedyeron ganar kon las armas i esta vez miran de ganar en metyendo en medyo una organizasyon terrorista, yamada “el puevlo palestinyano”, en metyendola en Gaza en la Judea i Samariya. Komo se puede eksplikar de otra manera el refuzo de la Jordaniya i del Egipto de tomar atras la Cisjordaniya i Gaza respektivamente ?

Los sea-dizyentes “Palestinanios” tienen el solo buto de aneantir Israel i yo penso ke esto no es sufisyente para konsiderarlos komo una “nasyon” porke no son nada mas ke una organizasyon terrorista ke se va espedasar un diya. Kale ser realisto i kale ke los Arabos aksepten ke las guerras kontra Israel se peryeron i tienen la devda de pagar a Israel las indamnizasyones de las devastasyones ke kavzaron durante los d’alkavo 50 anyos. Deven desmantelar la organizasyon terrorista ensima de la tierras de Israel i akseptar de kontinuar a bivir en un solo payis, debasho de Israel. Esto sera la solusyon de este “puevlo” ke nunka egzistyo !
Yashiko Sagamori
Traduizido por
[email protected]