Diario Judío México
UN JUDYO SE VA ANDE EL PSIKIATRO…
– Grasyas para aresivirme Doktor, me siento mal…. Peryi el meoyo ! No puediya asperar mas.. Mis amigos me enkomendaron para ke lo veyga.. Esto sufriyendo de paranoya, una persekusyon, una obsession. Todos me odyan. Dizen ke egzajero kuando penso ke IRAN me kere efasar de la mapa en embiyandome una bomba atomika…
No puedo durmir porke HISBOLLAH tiene mas de 40.000 roketas todos apuntados a mi komo akeyos ke devastaron Ashkelon…
Me da pena ke los ULTRA ORTODOXES biven de mi sangre sin lavorar i ke pensan ke la unika manera de defendermos de muestros enimigos es de estudyar la Torah i los livros santos. Van a estar en majoritad en unas dos dekadas ! Sus chikos se ambezaran solo el Talmud ! Seremos mas atrazados de los payises de Afrika !
Me da verguensa de ver ke las UNIVERSITADES ISRAELIS se konvertyeron en lugares de los akademikos anti-tsionistas ke kondanan los sentimientos de identifikasyon nasyonal de los Judyos, mientres ke admiran los sentimentos nasyonalistos de los Palestinos… Oy oy…..
Me deprima ke munchas de las Universitades de los Estados, del Kanada i de la Ingleterra selebran kada anyo una SEMANA DE ODYO kontra mozotros !
Me da angustya de pensar ke los mansevos Judyos de Amerika no mos simpatizan i ke el mijor estudyante de la Universitad Brandeis refuza ke el Embasador de Israel avle en su graduasyon.
No esto trankilo de ver ke los Arabos Israelis se identifikan kon muestros enemigos, kooperan kon eyos i estan para konstruizir una sinkena kolona…
Piedro mi serenitad kuando veyo ke la Autoritad Palestinyana kon lakuala el mundo egzija ke agamos paz, honora i selebra los terroristos, assasinos de viktimas innosentes, i aklaman los boykotes kontra Israel…
Me desilluziona ke los payis Europeos, 70 anyos dospues del Holocausto, mos konsideran a mozotros komo siendo “el peligro para la paz mundial” !
Responde el Psikiatro :
– Desha de lado los pretekstos ! Avlame kon frankeza !
Ke es lo ke REELAMENTE te preokupa……..
sharope.blanco@gmail.com
Artículos Relacionados: