Diario Judío México - Ya mos eskarinyimos de shakayikas i kuentizikos !
Ademas las de Temel…. Me namoro por estas.

ESTA no la iva eskrivir ma lo tugerto se asento
ensima de lo derecho i me dishe ” Ke seya !”

Este kuentiziko lo devemos a Daniel Benbanaste,
sano ke mos este ! Ande los topa !!!!!

La troki enteramente…….

Temel avlando i avlando kon sus amigos ke le
tomaron la kavesa i por fin lo enganyaron komo
lo keriyan, aksepto de ir allado del sheykh i
entrar en una sekta relijyoza de barminam !

– Ti vo bizar la mano ! Kiro i yu ser tu adepto !
Dimi kuali tengu di azer i azire ! Kiro ser un
buen hombri !

– Bueno mi ijo ! Kale ke me demostres tu buena
valuntad. Te vo demandar en primero de separar
tu kama de tu mujer por tres semanas diya por diya.
Dospues vas a tornar aki i me vas a dizir komo lo
suportates esto sin mizmo pensar a la negrigura !

– Uyyyyyyyyy ! Ansina va ser… Ti vo bizar la mano !
Kiro ser un buen hombri !

I se fue para su kaza… La kara enkolgada i leshos
de ser kontento de este echo ! Se aprometyo ke va
tener su promesa se lavo, se vistyo kon el mashlah
tomo su tespih/rozaryo i rogo por pasensya !

Los diyas pasaron… pasaron , paso las tres semanas
Temel vino ande el chelebon !

– Entra mi ijo ! Avlame….Komo se paso. Rompites
tu biervo o no ?

– Uyyyyyyyyy ! La prima semani ya paso….Sieti diyas
kun kurason limpyi mas o menos. Mi echi en el salun !
La segundi semoni ya estavi uyyyyyyy difisil…Ya savis..
Yu no tingu tu setenti anyi ! So mansevu i fuerti !
El triser semoni Fadimi kijo ir al merkadu ! El super
merkadu muestri ! En la kaleja ! Uyyyyy de mi Fadimi
kon oji de almendri tan bella bella ! Me miri me miri
i riyi ! Fadimi tomi kozis de arrivi, de abashu, se espandi
se aboki…..Yo no mas puedi !

– Ahhhhhhhh ! No vas a pueder ser mi adepto ke no te
vo tomar en muestra kongrigasyon !

– Ken se…..de tu kongrisyon ! Me importa mas el super
merkadu ! Es ayi ke no mos tomin mas ! Uyyyyy uyyyyy !

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorNace Mercado Gourmet Polanco. Funo Reafirma Su Compromiso Con Los Consumidores Mexicanos
Artículo siguienteRoma y momentos judíos en lo destacado de Golden Globes 2019
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.