Diario Judío

1. EL VIAJE DE TEMEL A ISTANBUL

Dunke; tres mansevos de Trabzon kon Temel entre eyos yegan al aeropuerto para tomar el avion en direksyon de Istanbul. Solo kedaron muy tadre pormodo de las vakas
ke les korto el kamino i no terminavan de pasar !

Ya estavan para serrar las puertas... Los mansevikos koryeron komo lokos i dos de eyos puedyeron entrar antes ke serren las puertas !

El ofisial soriyo al treser !

- A lo manko dos de tus amigos puedyeron alkansar
a entrar. Dos tiersos en porsentaje... No es mal !

- Uyyyy ermano ke dizis ! Eyus son mis amigus ke
vinyerun a akumpanyarmi... Era yu ke deviyi partir
i no eyus !

2. UNA MUERTE ERMOZA

En klasa el profesor demanda a los elevos

- Komo seriya para vozotros una muerte ermoza ?

Temel responde :

- Komu la muerti de mi aguelu.
- I komo muryo tu aguelo ?
- En durmiendu.
- Temel, alora komo seriya una negra muerte por ti ?
- Uyyyyyyyyy seriyi komu la muerti de mis tiyus !
- Tus tiyos ? Komo eyos muryeron ?
- Eyus estavan en el kochi de mi aguelu kuandi se durmyu !

3. KONFUZYON !

Era el d'alkavo diya de los elevos en la eskola. Unos aviyan trayido regalos para la maestra de klasa.

El ijo del floristo le prezento un ermozo buketo de rozas.
La ija del patisyero le trusho una kasha de bombones.
Temel ke era uno de los mas rikos de la klasa por su padre, le ofresyo un grande paketo kuvyerto de un papel briyante.

La maestra kuando tomo el paketo entre sus manos se rendyo kuento ke estava eskuryendo ! Tomo una gota para provar lo ke era... Trato de devinar...

- Ke es esto Temel ? Vino ?
- No es.
- Champanya ?
- No es.
- No puide devinar... Ke es?
- Un perrito !

Ke nunka vos manken las sorizitas....

sharope.blanco@gmail.com

SIN COMENTARIOS

Deja tu Comentario

A excepción de tu nombre y tu correo electrónico tus datos personales no serán visibles y son opcionales, pero nos ayudan a conocer mejor a nuestro público lector

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorEl pueblo judío es como el fruto representativo de Israel: Rab Meir Israel Lau
Artículo siguienteMessage au Président des Etats-Unis Donald Trump : Vous ne pourrez frapper l’économie turque, car votre prétendu allié le Qatar veille
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.