TOPAR UN MARIDO I KAZARSE ? Ohhhhhhhh !
Marido… El mijor al palo ! No so yo ke lo dishe ! Oh No !
1. Ermozo ? La kavesa la tiene vaziya i todas las mujeres lo interesan 2. Reusho en la vida ? Demasyado seryozo ! 3. Es riko ? No te respekta.. 4. Lavora duro i muncho ? Nunka tiene tiempo ! 5. Uno seryozo ? Su ex-mujer no keda de yamarlo.. 6. Uno modesto ? Lo vez rompido i sin grosh ! 7. Es reponsavle ? Nunka romantiko ! 8. Un edukado ? Tiene siempre razon ! 9. Topas uno sin edukasyon ? Kompleksado i…..se apunta de todo ! 10. Uno inteligente…? Ya seras arta de mintiras !
I ke azer ? Atyooooooooooo ! No ay kuarenta mil solusyones.
NO SE KERE KAZADO !
Para oyir siempre :
– deke salites ?
– deke vinites ?
– deke merkates ?
– deke no merkates ?
– deke yamates ?
– deke no yamates ?
– porke soriyites ?
– ke es esta kara ke tienes ?
– estas siempre kansada !
– Va-te a un doktor ! Kualo es esta dolor
de kavesa ke no te pasa…?
– Mi madre ? No… La tuya !
– Es mi ermano !
– Tu ermano lo kulpa…
– Dizele a tu ermana ke……
– Yo no esto kazado kon tu tiya me entiendes ?
– Por una vez ke te demandi koza ….
– A mi me agrada sport I punto !
– Ande te fuites ?
– Deke te fuites ?
– Es tu ija !
– Mi ijo save lo ke aze…
– Dize-le a tu ijo ke no kero ke….
– Tengo ambre ! No esta pronta la komida ?
– Ke izites diya entero ?
– Tu estas en kaza… Demandame a mi komo me paso el diya !!!
– Son tus kreaturas i no saves edukarlos !
– Kale mazal para tener una buena mujer !
– I ke ay si vienes una vez kon mi al match ?
– Ke estas meldando ? No topates koza mijor ?
– De kuando ke no bevo un kafe ?
– Mundamos unas frutas i azeremos keyf endjuntos…..
– No ay ken me de una kupa de agua…. Bira mijor !
– Saves ke no me gusta ke te vistas ansina !
– Kuando sales sola te vistes de mil maraviyas, kon mi handrajos !
– Troka de bluza ! Mamzer de koza… Esta transparente ! Ke te vo espedasarrrrr ! I esta fusta ! Ande esta la otra mitad ? Vistites la fusta de
tu ija ?
– Esto es ! Tu vate a durmir ! Yo me auzi a kedar solo en esta …..
– Kon ken esto avlando ? Kon mi namorada ! Kuando te vas a ambezar a tener konfiensya en mi ?
– Agora no ! Kuando tendre ganas…. Salir ! Solo en esto pensas…
– Ya me enfasyi en kaza ! Siempre en kaza.. Si no vienes vo salir solo i kuando kero !
– Si… Kon mis amigos ! Ke ay ?
– No kero araparme… Esto bien ansina…
– Dime un poko…. Ke es este penyado ? Va metete un poko de pudra… Pareses a ….
– Kuanto kale gastar en esta kaza para las kremas, las kolonyas, el makiyaj i los kuafores ? Si a lo manko…..
– Ande guadrates mi jeans grizo ?
– Deke no topo la kamiza ke visti esta demanyana ?
– Vites mis yaves ?
– Pasame mi jaketa.
– Dame este telefon al lugar de kedar mirandome !
– Inviti a komer mis sosyos kon sus mujer. Te vere ke meza mos vas a aparejar esta noche.. No se kere gastado muncho….Oye-me ! Kero ke todo
seya perfekto, kon el whisky i las almendras tambien…..Kualo ? Mas ?
Ya te abasta lo ke te di ayer ! Ambezate a azer ekonomiyas un poko !
– Si sos ermoza ? Amo tu korason..
– Si te kero bien ? No lo entendites dayinda ?
– Tu va okupate de la kaza, de los ijos, del guizado ! Las paredes ya me akompanyan..
– Deshame solo ! Esto muy inyervozo i no kero romperte el korason… Va…. Sal de esta kamareta i serrame la puertaaaaa !
– Ken es al telefon ? Dizele ke no esto en kaza.
– Esto kansado ! No me demandes nada agora.
– A mi no me interesa !
– HANUMIKA…. Kuando vas a vinir a mi lado ? Me eskarinyi….
Egzajeri ? Hmmmm No tanto !
Kon amor a todos los PASHIKOS…
PS.: La vedra es ke kero eskrivir i el kontraryo lolllllllllll
Artículos Relacionados: