Viene el kapitan

SELAM CAKKKKKKK !
Dam dam dam dibi dam dam dam
Bum bum bum dibi bum bum bum
Dam dam dam dibi dam dam dam
DAM DIBI DIBI DAM !!!!
Ta ta ti ta ta ta ta ta tiiiiiiiii ta !!!!
Drum rollllllllllls……… Trumpetsssssssss !
Viene el kapitan… Ken lo mira de lado ?
Kamina kon orgulyo, la kavesa alta
Kon su kasketa sovre su kara dura !
Ken penso ke es un mendigo ?
Soriye a vezes i los mira den alto !

Shimon hagibor se aserka,
Mos saluda i se va.
Tremblamos delantre de el,
Blankos komo papel !

No se juga kon el kapitan
Es un vayente Israelyano
I… fuerte komo un Turko
El kapitan Judyo Australyano !

En siete mares torno
El mundo entero kamino
En todos los sielos bolo
Montanyas blankas traverso !

Shimon ha gibor
El ke enteza kon su yelor
I mata de amor kon su kayntor
Un formidavle eskritor,
Un famozo viajador.

Del este vino el kapitan en su kruzero…
Las olas del Pasifiko no las sintyo mizmo !!
El ayre aunfla su jaketa,
Su kasketa ni se meneya…

Tiene botones de oro
I una eskularicha a la oreja derecha
Es Lafitte ke se iva selar si lo viya……
Kon su espada briyando a su talya
Tan ermozo ke se ezmayo una povreta…..

Hombre grande i poderozo
Puerpo solido i mostrozo
Kaveyos komo la plata
Un mansevo en sus ochenta !

Las ijikas se namoran
Las mujeras lo abrasan
Los hombres se selan
Los ke lo aman… s’enganyan !

Son agadas sus istoryas
Mos avla de las islas
De las plajas de sol banyadas
De sivdades blankas i luminozas
Bayles i linguas egzotikas

Viene el kapitano…
Ken lo mira de lado ?
Kamina kon orgulyo
Shimon el kavalyero
Un hombre ekstraordinaryo !

[email protected]

*

Kerida Sharope,

“Selam Cakkkk” no es sola una poeziya
Ma el dessino de un destino
De nuestro Shimon Geron, el kapitano !

Kon kerensia
Aron Zavaro

*

Mil grasyas Aron kerido
por pueder “ver” i komentar sovre este “desino del destino” ke kuando meldo entre las linyas me dize a mi oreja “apresiyo tu lavoro.”

Nunka puedre ekspresar komo lo kijyera mi gratitud i mi karinyo. Sharope blanco

[email protected]

Que vida mas interesante la de tu amigo SHIMON GERON,de quien has escrito ya en otras ovaciones.Y que admirable su esfuerzo e inteligencia que lo llevó a vencer a sus difíciles circunstancias.Leyendo lo que escribes sobre su vida y la imposibilidad que tuvo de una educación formal,se confirma que el talento y la inteligencia de un individuo lo llevarán a triunfar aun sin haber asistido a la escuela.La historia nos da muchísimos ejemplos.Muy interesante la historia de tu amigo y vi en las fotos que conoce mi país México.

*

Estimada Sharope

Agradezco muncho lo ke has echo por mi.
Lucho tanto para contar mi historia i tu la presentas mejor ke otros.
Munchas gracias.
Saludes a ti i al foro.

Shimon Geron