Inauguran primer Shul en Vitebsk, el shtetl de Chagall

Por:
- - Visto 223 veces

צום ערשטן מאָל אין איבער הונדערט יאָר האָט זיך לעצטנס געעפֿנט אַ נײַע שיל אין דער היימשטאָט פֿון מאַרק שאַגאַל.

די ייִדישע קהילה פֿון וויטעבסק, 155 מײַל אויף צפֿון־מיזרח פֿון דער ווײַסרוסישער הויפּטשטאָט מינסק, האָט דעם פֿאַרגאַנגענעם חודש געפּראַוועט דעם חנוכּת־הבית פֿון דער נײַער שיל צוזאַמען מיט אַ ריי מלוכישע באַאַמטע און גלחים.

דער הויפּט־רבֿ פֿון וויטעבסק, מאַלקיִעל גאָרגאָדאָזע, האָט צוגעקלעפּט אַ מזוזה בײַם אַרײַנגאַנג פֿון דער שיל, וואָס מע האָט געבויט ניט ווײַט פֿונעם מוזיי געווידמעט דעם לעבן פֿונעם באַרימטן קינסטלער. די אָרטיקע רעגירונג האָט אונטערגעשטיצט דעם פּראָיעקט. די שיל, „אוהל דוד‟, האָט מען געמאַכט פֿון רויטע ציגל, אַ באַרימטער סימבאָל פֿון דער שטאָט וויטעבסק.


„היסטאָריש איז וויטעבסק געווען אַ ייִדישע שטאָט,‟ האָט געזאָגט לעאָניד טאָמטשין, דער פֿאָרזיצער פֿון דער וויטעבסקער ייִדישער קהילה. טאָמטשין האָט ווײַטער דערקלערט בשעת זײַן רעדע אויף דער חנוכּת־הבית, אַז בײַם אָנהייב פֿונעם 20סטן יאָרהונדערט זענען אין דער שטאָט געווען 64 שילן.

„הײַנט איז דאָ, צום באַדויערן, בלויז איינע,‟ האָט טאָמטשין געזאָגט. „די דאָזיקע שיל וועט אָבער פֿאָרט זײַן אַ צענטער פֿונעם ייִדישן לעבן.‟

ביז לעצטנס האָבן די וויטעבסקער ייִדן געדאַוונט אין אַ פּריוואַטער דירה אָבער צוליב דעם וואָס די צאָל מתפּללים איז אום יום־טובֿ געווען צו גרויס, האָט מען געדאַרפֿט בויען אַ געהעריקע שיל.

דער באַרימטער קוביסטישער מאָלער מאַרק שאַגאַל איז געבוירן געוואָרן אינעם ווײַסרוסישן שטעטל ליאָזנע, ניט ווײַט פֿון וויטעבסק אין 1887 מיטן נאָמען משה סעגאַל. די שטאָט וויטעבסק, מיט זײַנע פּרעכטיקע קלויסטערס און שילן, האָט שטאַרק געווירקט אויף זײַנע שאַפֿונגען.

Read more: http://yiddish.forward.com/articles/206743/first-postwar-synagogue-opens-in-marc-chagalls-hom/#ixzz4xn9fA5U7

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: