די קאָפּענהאַגענער פּאָליציי האָט מאָנטיק, דעם 16טן פֿעברואַר, איבערגעגעבן, אַז זי האָט אַרעסטירט צוויי פֿאַרדעכטיקטע אינעם העלפֿן דעם באַוואָפֿנטן יונגערמאַן דורכצופֿירן מיט צוויי טעג פֿריִער צוויי בלוטיקע אַטאַקן אויף אַ קונסט־צענטער און אַ שיל. דער אָנפֿאַלער אַליין איז דערשאָסן געוואָרן דורך דער פּאָליציי. דערווײַל איז נישט קלאָר, צי די פֿאַרדעכטיקטע זענען נישט לײַט, וואָס זענען אַרעסטירט געוואָרן אינעם אינטערנעץ־קאַפֿע, וווּ ס׳איז אויסגעבראָכן די שיסערײַ, בעת וועלכער דער הויפּט־פֿאַרברעכער איז דערהרגעט געוואָרן.

דער ערשטער אַטאַק איז אויסגעבראָכן פֿאַראַכטאָגן שבת בעת אַ קולטור־אונטערנעמונג אין אַ קאַפֿע, וווּ עס האָט אויפֿגעטראָטן דער שוועדישער קינסטלער לאַרס ווילקס, באַקאַנט ווי דער מחבר פֿון די קאָנטראָווערסאַלע קאַריקאַטורן קעגן דעם מוסולמענישן נבֿיא מוכאַמאַד. אין דער אונטערנעמונג האָט זיך באַטייליקט דער פֿראַנצויזישער אַמבאַסאַדאָר אין דענמאַרק, פֿראַנסואַ זימערע. דער באַוואָפֿנטער יונגערמאַן האָט באַשאָסן דעם קאַפֿע; איין מענטש איז דערהרגעט געוואָרן. דער קינסטלער און דער אַמבאַסאַדאָר האָבן נישט געליטן.

שפּעטער, שבת־צו־נאַכטס, האָט דער זעלבער פּאַרשוין זיך אַרײַנגעריסן אין דער צענטראַלער קאָפּענהאַגענער שיל אויף דער גאַס קריסטאַלגאַדע, וווּ מע האָט דעמאָלט געפּראַוועט אַ בר־מיצווה, און אָנגעהויבן שיסן. צוויי פּאָליציאַנטן און אַ פֿרײַוויליקער וועכטער זענען פֿאַרוווּנדעט געוואָרן. דער 37־יאָריקער וועכטער, דן אוזן, איז שפּעטער געשטאָרבן אין שפּיטאָל פֿון שווערע וווּנדן.

אויפֿן צווייטן טאָג, זונטיק, האָט די פּאָליציי געפֿונען דעם פֿאַרברעכער אינעם אָרעמען ראַיאָן נאָרעבראָ, באַקאַנט ווי אַן אומרויִקע געגנט מיט אַ סכּנותדיקער רעפּוטאַציע.

Read more: http://yiddish.forward.com/articles/185408/two-arrested-for-aiding-copenhagen-gunman/?p=all#ixzz3S2XGJefa

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorRecibió Torres Corzo a la embajadora de Israel en México
Artículo siguienteDi Lialke (La Muñeca), canción basada en “La Muñeca Fea”
Noticias, Reportajes, Cobertura de Eventos por nuestro staff editorial, así como artículos recibidos por la redacción para ser republicados en este medio.