El Aktor ‘Michael Dougles” dise ke grasias a su padre i a su ijo es ke el se topa konnektado kon el Djudaismo. El Premio Genesis es un Nobel Djudio ke lo resivio en Jerusalem en dias pasados. Resivio un Million de Dolares por ser kometido a las Valores Djudias i al Puevlo Djudio.Su mujer la Artista”Catherine Zeta-Jones” i sus kriaturas’Dylan i Carys”estavan a su lado por la seremonia. Dougles se ato al Djudaismo en sus 70 anios.Lo ke lo enkorajo a tomar este paso era el deseo de su ijo de azer su Bar Mitzva. Se fue i remersio a su ijo por esto.
Michael Douglas disho “Mi viaje tomo muncho tiempo para azerlo. Me siento agora orgulioso a pronunsiar las palavras ‘YO SO UN DJUDIO”. Ay djente ke insisten ke para ser Djudio, uno deve tener una madre Djudia. “Diana Dill’ mi madre, no es Djudia. Mi padre el aktor”Kirk Douglas”me inspiro tambien kuando el izo su konneksion kon el Djudaismo en aziendo su Bar Mitzva a la edad de 83 anios.No avia una kontradiksion entre su Djudaismo i su universalidad.”
Le parese extranio ke le den un premio. Penso ke avia un yerro porke su madre no era Djudia. El lo vido komo una barriera toda su vida. Se alesho del Djudaismo porke no lo konsideravan komo un Djudio. Se metio a explorar sus raizes komo su padre venia de una famiya Ortodoxa. El deseo salio afuera después de un aksidente en helikoptero en 1991. Su ijo Dylan lo aserko tambien del Djudaismo en teniendo amigos Djudios, indo a eskolas Djudias i preparandosen para azer sus Bar Mitzvah.Al resivir el Premio Michael Douglas sentio kalor en su korason. Era rekonosido komo un Djudio, despues de ser rechazado komo Djudio. Era una experiensia emosional.
Douglas intenta utilizar esta moneda para ayudar a las parejas de kasamientos mixtos. Avian otras donasiones echas yegando a una suma total de 3.5 millones de Dolares. El ko-Fondador de Genesis “Mikhail Fridman” disho ke este Premio fue establesido para inspirar a la djente i reflektar sovre la parte Djudia ke tienen.Mismo si Douglas no es un Djudio perfekto,es uno ke metio toda su enerjía para ser un Djudio.
Demanda de las komunidades Djudias de no rechazar a los Djudios ke tienen kasamientos mixtos. El Primer Ministro Benyamin Netanyahu lo felisito a Douglas i fue el ke le presento el Premio.A su lado se topavan”Yuli Edelstein, Natan Sharansky,Stan Polovets”.
Avlando de Albert Einstein, se disho ke tenia razon de no akseptar el posto de ser el Presidente de Israel. El savia ke era mas fasil deskuvrir los misterios del universo ke de dar satisfaksion a los habitantes del pais.
SIEMPRE HE ADMIRADO A DOUGLAS POR SER DE ESA DINASTIA DE GRANDES ACTORES.AHORA QUE ES DE FE JUDIA LO ADMIRO AUN MAS PUES HA LOGRADO LO QUE A MI ME HA SIDO IMPOSIBLE: PODERME AUTODENOMINAR JUDIO.
AMO A ESTE PUEBLO PORQUE HA SABIDO SALIR ADELANTE RODEADO DE DOLOR Y MUERTE, DE ENVIDIA Y ACECHANZAS…BRAVO MIKEL…TE FELICITO DE CORAZON.