Honran a adolescente asesinada en la marcha del orgullo gay de Jerusalén

Por:
- - Visto 375 veces

ירושלים. — הונדערטער מענטשן האָבן זיך פֿאַרזאַמלט אין ירושלים לכּבֿוד אַ הזכּרה־צערעמאָניע נאָך שירה בנקי (באַנקי) — דאָס מיידל, וואָס איז אומגעקומען דורך אַ מעסער־אַטאַק דאָנערשטיק בעת דעם ירושלימער „שטאָלץ־פּאַראַד‟ — אַ יערלעכער מאַרש, דורכגעפֿירט פֿון האָמאָסעקסואַלן, לעזביאַנקעס, ביסעקסואַלן און טראַנססעקסואַלן, און זייערע שטיצער און פֿרײַנד.

די הזכּרה איז פֿאָרגעקומען אין כּכּר־ציון, ירושלים, זונטיק אויף דער נאַכט.

בנקי, אַ 16־יאָריק מיטלשול־תּלמידה פֿון ירושלים, איז זונטיק ניפֿטר געוואָרן אינעם „הדסה־שפּיטאָל‟ אין אין־כּרם, נאָך דעם ווי זי איז געשטאָכן געוואָרן אינעם ברוסטקאַסטן און בויך דורך אַ חרדישן ייִד פֿון מודיעין עילית, ישי שליסל. פֿינף אַנדערע מענטשן זענען אויך געשטאָכן געוואָרן.


דער בילדונג־מיניסטער נפֿתּלי בענעט, דער הויפּט פֿון דער רעכט־געשטימטער „היים־פּאַרטיי‟, האָט דערקלערט בעת דער צערעמאָניע, אַז בנקי איז דערהרגעט געוואָרן „צוליב עקסטרעמיזם, ווײַל מיר ווייסן נישט ווי אַזוי אָנצונעמען די מענטשן, וואָס זענען אַנדערשפֿון אונדז. אַלע ישׂראלדיקע תּלמידים דאַרפֿן פֿאַרשטיין, קודם־כּל, אַז זיי דאַרפֿן זיך נישט שרעקן פֿאַר זייער אייגענער אידענטיטעט,‟ האָט ער געזאָגט.

בנקי איז געקומען אויפֿן מאַרש, כּדי אויסצודריקן שטיצע פֿאַר אירע האָמאָסעקסועלע פֿרײַנד, האָט איר משפּחה געשריבן אין אַן עפֿנטלעכער דערקלערונג. דער „הדסה־שפּיטאָל‟ האָט געמאָלדן, אַז די משפּחה האָט מסכּים געווען אַוועקצושענקען שירהס אָרגאַנען.

„אונדזער אויסערגעוויינטלעכע שירה איז דערמאָרדעט געוואָרן ווײַל זי איז געווען אַ גליקלעך 16־יאָריק מיידל, פֿול מיט לעבן און ליבשאַפֿט, וועלכע איז געקומען אויסדריקן איר מיינונג, אַז אירע פֿרײַנד האָבן דאָס רעכט זיך אויסצולעבן ווי זיי ווילן,‟ האָט די משפּחה דערקלערט. „אָן שום סיבה, און בלויז צוליב אַכזריות, טיפּשות און נאָכלעסיקייט, איז דאָס לעבן פֿון אונדזער שיין בלימעלע פֿאַרשניטן געוואָרן. שלעכטע זאַכן טרעפֿן אַ מאָל גוטע מענטשן, און זייער אַ שלעכטע זאַך איז געטראָפֿן אונדזער וווּנדערלעכער טאָכטער.‟

די דערקלערונג האָט אויך אויסגעדריקט אַ „האָפֿענונג פֿאַר ווייניקער שׂינאה, און מער טאָלעראַנץ‟.

די ישׂראלדיקע פּאָליטיקער פֿון אַלע שאַטירונגען האָבן אויסגעדריקט צער איבער בנקיס פּטירה.

שליסל בלײַבט אונטער אַרעסט נאָך דעם ווי מע האָט אים פֿרײַטיק באַצייכנט ווי פּסיכאָלאָגיש ראָוי פֿאַרמישפּט צו ווערן. מיט בלויז דרײַ וואָכן פֿריִער האָט מען אים געהאַט באַפֿרײַט פֿון תּפֿיסה נאָכן זיצן 10 יאָר צוליב אַן ענלעכן אַטאַק אינעם ירושלימער „שטאָלץ־פּאַראַד‟ פֿון 2005.

Read more: http://yiddish.forward.com/articles/189952/memorial-held-for-teen-killed-at-israeli-pride-par/#ixzz3ht9JTVIl

Acerca de Central de Noticias Diario Judío

Noticias, Reportajes, Cobertura de Eventos por nuestro staff editorial, así como artículos recibidos por la redacción para ser republicados en este medio.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: