Yo kon mi korazon te bendigo mi kerida  ”Vida”
Mis pasos eran legales,mi bivyenta meresida.
Nunka estuve ambisyozo i siempre kon mi gozo,
Pasi vida modesta, sin deseo de ser famozo.
Me dates alegrias i me aleshates de selos,
Ni de angustyas hui tokado , ni d’ansyas o deseos.
Agora ke esto serka de la fin de mi kamino,
Apresyo tu regalo por krearme un buen destino.
Serka de mis dias finales yo te bendigo “Vida”
I mi familia lo agradese i no se olvida.
En vezes si vias en mis ojos lagrimas ke briya,
Es por las  enjustisyas del mundo ke mi alma  viya .

Haim Vitali Sadacca
Montreal

Photo by UMBRELLA SHOT

SIN COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorLa Comunidad Judía de Madrid otorga su premio Or Januká 2017 a las FSE
Artículo siguienteEl problema que tienen los judíos con la meditación
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.