“Antolojía de kuentos sefaradíes” kapítolo i: kuentos de kulli: 6. El kuatren yerno

Por:
- - Visto 372 veces

 


Antolojía de Kuentos Sefaradíes
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

6. EL KUARTO YERNO


Kuento traskrito por Liliana Tchukran de Benveniste del livro “Antoloja de Kuentos Sefaradíes” de Pascual Pascual Recuero, 1979 – Kapítulo I: Kuentos de Kulli

– – – – – – – – – – –

Un ombre muy riko tenia una ija muy regalada ke no tenia mas kavdal ke eya; ma era muy desmaalada, ke la kazó tres vezes kon mansevos muy estimados i la primera noche de hupá se moria el novio. I siendo vido ke su ma’arakah[1] era negra, no kijo mas kazarse, disiendo:

– Ya son tres mansevos ke se murieron por mi kavza; no es rason de pensar en kazamiento.

I ansí kedo munchos anyos.

Dito gvir[2] tenia un ermano muy prove en otra sivdad i tenia diez ijos, i kada diya se iva al kampo kon su ijo grande i kortava un poko de lenya i la vendia, i de ahí manteniya su kaza.

Un día no reusho a vender la lenya i no tuvieron ke komer, i ansi se echaron la noche sin senar. Al otro diya fueron al kampo komo su uzanza, ma no tuvo fuersa el padre de kortar lenya, i se kedo demayado de su flaqueza. El ijo ke vido a su padre de akeya manera, le saltaron las lagrimas rogando al Dió ke los aremedyara, porke no podían soportar el aniyut[3]. I ansi, estando enbevesido, le disho a su padre:

– Una koza pensé de azer si será kon vuestro resut[4], i es ke, siendo tenesh un ermano tan riko, me kiero ir onde el i sierto me favoresera muncho, siendo yo su sobrino, uviferat[5] ke no tiene ijos, puede ser ke me resiva en su kaza.

I tomando lisensya de su padre i su madre, se fue onde su tio.

Dito gvir resivio muncho gusto de ver a su sobrino i todos se alegraron kon el. Pasando algunos diyas, le disho a su tio:

– Una demanda kiero demandaros i vos rogo ke no me mandesh en vazio.

Le disho el gvir:

– Todo lo ke keras demanda de mi, i no te averguenses, ke yo are tu gusto.

Disho el mansevo:

– Kiero ke me asegures kon djuramento de kumplirme mi demanda.

I ansi djuro el gvir djuramente verdadero de no refuzar en lo ke demanda. Entonces disho el mansevo:

– Lo ke yo kiero es ke me des a vuestra ija por mujer.

Empeso el gvir a yorar, diciendo:

-Ijo mio, me demandates una koza fuerte ke no es posible de azerla, siendo ke por nuestros pekados ya son tres bezes ke la kazo i a la primera noche se muere el novio; i siendo tu eres mi sobrino ke te kiero komo un ijo, no me konviene de azer tu demanda. I si lo azes por moneda, yo te aprometo por sierto de kontentarte kon suma grande de dinero i te bushkare un buen partido, ke siendo eres mansevo kumplido, munchos rogaran de tenerte por yerno.

Le respondio el mansevo, diciendo:

Ya vos ovligates kon djuramento de kumplir mi demanda, i siendo yo esto kontente a tomarla, deves vos de dármela.

I viendo el gvir ke no avia modo de venserlo, se fue a la kamareta i le konto a su ija todo lo pasado. I ansi se determinaron en eyo, diziendo:

– El Dió apiadara, siendo lo aze kon buena veluntad.

——————————————–

El despresio por la riqueza i kompartirla kon los proves es el buto de este kuento, traido por Kulli desde la londje mezklatina del Midrash Tanjumá, en su komentario a Gn 17 1-11 . Figura en el folyo 113 b-c i pp. 512-513, de las edisiones ke tenemos uzadas.

—————————————–

1 comentario en «“Antolojía de kuentos sefaradíes” kapítolo i: kuentos de kulli: 6. El kuatren yerno»

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: