Avikas kon aroz

Por:
- - Visto 254 veces

NO AY MIJOR DE LAS AVIKAS KON AROZ

La verdad es ke es la komida karakteristika de Turkiya… Ay munchas listas de komidas karakteristikas del payis i de las diferentes rejyones de Turkia ma kreyo ke las avikas kon aroz se asentan al primer rango!

EL AROZ ya lo savesh gizar. Un aroz blanko en sofriyendo 2 kupas de aroz bien lavado fina ke se emblankese en peryendo su kolor transparente, en manko de medya kupa de azeyte i una kuchara de manteka. Sal i tres kupas de agua buyida…. No mas nada…. Se desha kozer fina ke se ven burakitos en el aroz i se desha kozer mas unos diez minutos a fuego muy chiko i kuvijado de una tovaja debasho de la kuvyerta de la kaldera…. I ya esta pronto… maraviya !


LAS AVIKAS : Se desha al mojo una kupa de avikas blankas sekas la noche. A la demanyana se lavan i se meten a buyir fina ke kozen. Se vazya la agua i las avikas se meten de lado i asperan trankilamente sus torno….

Se toma dos sevoyas no muy grandes i se kortan finamente. Dospues kon una medya kupa de azeyte de oliva se sofriyen en una kaldera fina ke la kolor se les bolta un poko.

Es el torno de una kuchara de pure de domat o kuatro/sinko domatas freskas rayadas de entrar en la kaldera.

Adjuntamos sal, un pokito de azukar para tomar la agrura de la domat, pimyenta korolada i paprika i vazyamos las avikas aryento. Meneyamos lo todo por un minuto o dos antes de adjuntar agua friya o buyendo para kozer lo todo de muevo. Una kupa de agua va abastar si las avikas estan bastante blandas para komer….

Se sierve el aroz i ensima la komida de avikas… Kon salata vedre es muy savrozo.

A propo del aroz i de las avikas vos kontare akel diya ke fuimos al sentro, kon mi amigita :
Teniya kozas de azer i abashimos al merkado en Kadikoy. Eskapimos de azer muestros echos i mos demandavamos ande almuersar…. Vimos dos lugares ke se avriyeron muevamente uno en frente del otro komo por azer pizmas ! De murir de la riza komo se estavan mirando komo dos gatos prontos para echarsen uno ensima del otro ! Estavan tratando de yamar los ke pasavan por aya a sus salones…. Aviyan mezikas afuera, plantizikas… bonbones de lugar ! De verlos me namori i ke komidas de kaza !

Le di una punta de pye a mi namorada dieta i entrimos en el uno. Komimos aroz kon avikas sekas i salata de berendjena… Una savor de no kreyer… Kuando vino el momento de pagar me averguensi ! Komo puediye ser tan barato ?!!!

Pagi 2 groshes por el sumo de frutas esprimido allado de mozotros i el dulse de bimbriyo al orno kon muezes i krema de leche ensima !

No muera las avikas kon el aroz ! Ke pekado ke no se avriyeron estos allado de mi kazika ! Iva serrar mi kozina i komer siempre aya !….

Ke no vos manke vuestra savor de boka…..

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: