La persona ke nunka se yerro es el ke nunka tuvo eksperyensas.. A.E.
Elmundo es un lugar peligrozo para bivir……. Si ! Ma no pormodo de las personas negras. Pormodo de las personas ke no azen nada para mijorar las kozas.. Albertiko E.
Komo apresyariamos la luz si no egzistiya la oskuritad ?
TOMENME ENTRE VUESTROS BRASOS…
Tomenme entre vuestros brasos mis rekuerdos
Sosh inolvidables… Ermozos, tristes o amargos…
Los rekuerdos kedan… Biven eternelamente.
En las fotos, en los eskritos, en los espejos..
Siento en mis oyidos los sonidos de tus biervos.
Somos mozotros ke mos despegamos, malorozamente
Partimos sin kererlo a la hora eskrita en muestra frente…
Sharope blanco
BIVIR
Bivir komo si “ayer” no aviya egzistido
I komo si no avra “manyana”…
Bivir komo si el sol nunka se eskonderiya
I komo si la luna no mos apareseriya.
Bivir komo siempre amariyamos
I nunka mos espartiriyamos
Komo siempre seriyamos feliz i rieriamos
Nunka konoseriyamos la tristessa I los yoros
Portanto…..Viene el diya, akel krual I sin piadad
Empesan las tormentas i bola la serenitad
Ke mos kedan mas de los rekuerdos ?
Ke mos konsola sino los biervos ke sintimos ?
Ke bivimos si no vimos el mundo I siegos fuimos ?
Los ojos aviertos ma los oyidos tapados ?
Ken fuimos sino esklavos de muestros dezeyos ?
Ke dimos I ke tomimos mas del oro ke teniyamos ?
Ke mos disheron unos, ke no komprendimos ?
Ke salyo i ke mos ambezimos de todo lo ke vimos ?
Akel diya viene sin ke mos apersiviemos
I mos demandamos “Kuando pasaron los anyos ?”
Mos parese tener vente anyos en los setenta….
Bivir, poko o muncho, nunka mos abasta.
Kuryozo, mos olvidamos ke somos simples mortales
I ke devemos irmos leshos kuando yega la vejes
A vezes, mizmo, muncho mas antes, sin kerer..
Komo si el Angelo Preto no teniya nada otro de azer !
Sharope blanco
Jamas lo haré Kerida …
me tendras siempre a tu lado …
El Miércoles 30 de julio de 2014 21:22,
“eliseo pardo [email protected] [Sefaradimuestro]”
Eres Kerida Sharope
uno de los regalos mas valiosos que me
ha concedido la vida y doy por ello cada
dia, Gracias al Dyo, de tenerte por amiga …
Kon el Karinyo de quien muncho te Quiere
Eliseo
——————————————–
No me mankes……
El Martes 29 de julio de 2014 13:44,
“eliseo pardo [email protected] [Sefaradimuestro]”
Hermóso poema, el que aqui nos brindas,
Kerida Sharope
Vivir es todo éso y mucho mas, ciertamente
cada cual pone el acento sobre aquello que
considera prioritário, a la hora de procurar
un atísbo de “plenitud”
Los contratiempos y las decepciones, forman
tambien parte de la vida y la manera de
encararlos, es parte de nuestro crecimiento
personal …
Todo pues tiene su tiempo y su sentido, si asi
lo sabemos ver y aceptar pues;
¿como apreciariamos la luz si no existiese la
oscuridad?
Te envio un karinyozo Abrazo, que extiendo
tambien al conjunto de los Amigos de S.M
Eliseo
———————————————-
Komo de dulsor es de oyir
komplimentos sovre unos versos
ke yegan del korason….
Ke dulse es la kolor rozeada
de las karikas kuando los
komplimentos salen del korason…
Komo entenderiya la valor de mis amigos
Si no me yegariyan sus biervos karinyozos ?
Grasyas !
Sharope blanco
Artículos Relacionados: