BOLLYWOOD i los Filmos Hindus

Por:
- - Visto 374 veces

La halam_ara_poster_1931istorya ekstraordinarya de las artistas Judiyas de  la India.

Fina la fin de los anyos 1920, las mujeres  hindous no puediyan ni pensar de jugar  en un filmo en India.  Era konsiderado grande verguensa para una mujer kon honor.

En esta epoka vistiyan i makiyavan los hombres para ke jugen rolos de mujeres.


Ma finalmente esto troko i las ijikas empesaron a mostrarsen en los filmos.  Solamente ke no eran Hindus ni  Muzulmanas ma  JUDIYAS !

« Shalom Bollywood », del produktor de dokumentaryos Australiano, Danny Ben-Moshe, deskuvre la historya de los Judyos ke partisiparon a la industriya sinematografika formidavle de la India.

susan_solomon_firoza_begum

Susan Solomon Firoza Begum

Ben-Moshe eksplika : ” Las familyas judiyas liberalas en este payis – Las komunitades Bene Israel i Bagdadi tienen 6000 membros alora ke la India konta una poblasyon de 1.2 milliares- kon sus ijikas al ten klaro i ke asemejan mas a las Europeanas izyeron saltar los ekranes ! “

Es ansina ke Firoza Begum (nasida Susan Solomon), Sulochana nasida Ruby Meyers), la primera Miss India, Pramila (nasida Esther  Abrahams), o Nadira (nasida Florence Ezekiel) se izyeron estreyas de sinema.

sulochana_ruby_meyers

Sulochana / Ruby Meyers

Ma la kontribusyon judiya a la industriya de Bollywood no se limito a las aktrisas. El senaryo i las kantikas del primer filmo sonor “Alam Ara” en 1931 fueron eskritas por un judyo, Joseph Penkar David. Uno de los mas grandes koreografos de Bollywood, David  Herman, era Judyo komo uno de los stars maskulino del sinema indiano, David Abraham Cheulkar ke jugo en mas de 100 filmos.

sulochana

Sulochana

Sulochana (Ruby Meyers) fue la primera mujer star indiana de la era del oro bollywoodiano !

Sus revenidos eran mas del salario del governador de Bombay ! Nasyo en 1907. Lavorava komo standardista antes de empesar a su karyera artistika.

Figuro en los filmos “Balidan” en 1927 i “Wildcat of Bombay” en el kual jugo ocho roles diferentes entre los kualos el de un hombre i el de una Europeana blonda…

En los anyos 40, alora ke Sulochana perye un poko de su reflo, la estreya de una otra artista judiya empeso a briyar en el firmamento Bollywoodiano.

pramila_esther_abraham_first_miss_india_1947

Pramila / Esther Abraham primera Miss India 1947

Su nombre era Esther Victoria Abrahams ke va tomar el pseudonymo Pramila. Fue la primera Miss India en 1947, i una koza muy sorprendyente afita kuando su ija Naqi Jahan es elegida Miss India en 1967 ! Pramila juga en muy munchos filmos. Su filmo “India Madre” kedara en las salas de sinemas durante 82 semanas !….

pramila_esther_victoria_abraham_in_the_movie_jungle_king

Pramila aktuando en Jungle King

Pramila era una manseva muy independyente i es ansina ke a sus 17 anyos desha su familya en Calcutta, de ande es orijinarya, para irse a Bombay. Topa un lavoro de bayladera en un sinema para baylar delantre del publiko durante los 15 minutos del entrakto, nesesaryo para trokar la bobinas del filmo. Pramila va inkarnar la mujer fatal de los anyos 40 i va jugar en mas de 30 filmos.

nadira

Nadira

Ma las mas famoza de las artistas judiyas de Bollywood sera Nadira, (nasida Florence Ezekiel), archetipo de la mujer fatal ke dize un diya a un jurnalisto ke vino por un interview i muy nerviozo en frente de eya… ” No vos asentesh al bodre de la kama… Vos vash a kayer !
Vinid mas serka de mi i relaxad-vos ! No vos vo komer…” Su rolo el mas famozo es el de Maya en “Shree 420” de Raj Kapoor.

Danny Ben-Moshe deviya de travar unas kuantas scenas mas en India antes de terminar su filmo ke salyo en 2012. ” Es fasinante, mos dize, en Hollywood los judyos estan detras de las kameras i son lo mas produktores ke eskonden sus identitad…. Aki es enteramente el kontraryo !

Los judyos de Bollywood rekonosen sus judaizmo sin espanto, frente las kameras.

Fuente  dnaindia.com
Agora, i Turkiya empeso a mostrar en la TV  las seriyas hindus ke mos plazen tambien porke vemos un mundo ke no konosemos del todo kon munchas kolores, vistidos komo djoyas i romantisizmo !

Sharope Blanco

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: