Diario Judío México - La palavra LADINO sale del latin LATINU, ke dyo por las leyes fonetikas ladino por sonorizasyon de la T en D komo SETA dyo SEDA.

Los moradores de la Espanya avlaron LATIN, ama kontinuaron dizyendo avlamos latinu i poko a poko LADINO, ke fue el primer nombre de la lingua espanyola i esto asta la mitad del siglo XIII.

Kuando los puevlos ke avlavan LATIN supyeron ke ya no lo avlavan i ke dita lingua paso al espanyol, l franses, al italiano, al rumano, al portuges, ets.

Savemos ke kuando un rey moro de Espanya mandava a un mensajero a un rey kristyano del payis, los kristyanos yamavan a este mensajero el MORO LADINO o ALADINADO.

I aki tenemos la prova de ke fue el primer nombre del espanyol. Ama komo kaliya deskonfyarse de dito mensajero ke puediya sorprender lakerdis privados, la palavra ladino tomo el senso de ASTUTO, FALSO, RAMAY. ESTA ES LA ESTORYA DE LADINO.

Karinyozamente, Haïm-Vidal

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anterior¿Bajar sueldos es avance o retroceso?
Artículo siguienteMisiones Internacionales: Huracán “Michael” – Florida, E.U.
Noticias, Reportajes, Cobertura de Eventos por nuestro staff editorial, así como artículos recibidos por la redacción para ser republicados en este medio.