La radio i la TV de Israel izo munchos programes sovre Leonard Cohen por ken el Prezidente i el Primer Ministro avlaron tambien. Viernes a la tadre oyimos “Lecha Dodi” en la melodiya de “Hallelujah” de Cohen…
Leonard Cohen es un Judyo Canadiense poeto, novelisto i kantante ke esta yorado por el mundo entero. Des de 1970 Israel lo konose i lo oye…
Fue voluntaryo en un kibbutz i kanto por los soldados… A la guerra de Kipur, en 1973 se topava en Grasya para dar konsertos ma desho todo i torno a Israel…
Enkontro Oshik Levi en un kafe en Tel-Aviv. Avlaron de ser voluntaryos en un Kibbutz. Keriya ayudar… Performaron durante dos mezes por Tsahal en las trenchas mizmo, kantando al lado de kanones de tiro…
El kantante i kompozitor Matti Casi estava kon eyos i konto en su entrevista por el YEDIOT AHARONOT justo kuando informaron la muerte de Leonard Cohen ke se aviyan echado en sakos de esuenyo ensima de la arena durante dos mezes.
Es alora ke Cohen eskrevyo su famozo “Lover, Lover, Lover ” . Kijo ke “el espirito de esta kantika asuva i seya una defensya kontra el enemigo”.
Ansina es ke Cohen fue adoptado por Israel por su solidaridad i por su muzika. Sus palavras, el intereso en Israel por la muzika Inglesa i sus referensyas judias ayudaron siertamente tambien…
El Presidente Rivlin i su mujer amavan oyir a Cohen. Una melodía popular era “Dance me to the end of love” . Para Natanyahu Cohen tenia talento i korason kayente ke amava el pueblo i el Estado de Israel.
Se aviyan vendido 50.000 bilyetos en un diya kuando se aviya anunsyado ke Cohen iva dar un konsierto en Tel Aviv en 2009. En el publiko se noto gente de kada edad. Cohen trusho enjuntos los Palestinyanos i los Judyos…
Yamo a su konsiergto “El konserto de la Rekonsiliasyon, Tolerensya i Paz”. Izo donasyones para los ke suportavan la ko-egzistensya. En la sinagoga metyo sus manos enjuntos komo los Cohanim ke azen bendisyones i pronunsyo dospues “Ke el Di-o vos bendiga i vos guadre. Ke su kara briye sovre vozotros en grasya, ke vos mire de buena manerai ke vos de paz.”
Las kantikas de temas Judias eran “Hallelujah ” “Who By Fire” ,” You Want It Darker” i “The Story Of Isaac”
Tradusido por Simon Geron
Sydney
Fuente: Sefaradimuestro
Artículos Relacionados: