El apokalipsis dospues de Mubai ?

Por:
- - Visto 236 veces

Seriya falso i una grande mintira si diriya ke el eskrito de Jaime S. Dromi no me izo ni friyo ni kalor. En fakto tuvo un impakto sovre mi los dias siguientes malgrado ke no so una persona ke ata muncha importansya a lo ke okurre en mi deredor a parte de kozas reelamente de vida i de muerte ! Afitan kavzos tan desgrasyados ke kale ser echo de piedra para no ser tokados !

I el terror en Mumbai fue dezgrasyado. Los 9 judios fueron asesinados, dospues ke fueron terriblamente torturados. El barbarismo de estos asassinos islamo-fascistas es la replika de las hordas ke invadieron Europa i destruyeron el Imperio Romano.

En Mumbai, los islamo-fascistas bushkavan matar a muchos amerikanos, inglezes, hindues i judios i esto lo izyeron porke estan en guerra kontra la sivilizasyon. Azyendo esto en el korason mismo de la India teniyan en tino de romper la aliansya entre la India i el Oksidente ke se estava azyendo mas i mas importante kada diya.


Mensionaryon ke el rabino Holtzberg i su espoza no fueron assasinados por la Palestina ma porke eran judyos ! Estos asassinos mostraron ke fueron antrenados komo komandos militarios i no komo simple terroristos. Estavan ekipados i savidos komo si se estavan atakando a New York, Paris o Londres!

Para eyos la vida humana no tiene importansya. Eyos pensan ke el mundo oy esta dominado por la dekandensya de una sosyetad dejenerada i keren konseguir la supremasiya islamika para enderechar muestro mundo ! Parese ke mos aserkamos de un trokamiyento fundamental en todo el mundo..

En fakto, muchos de los savios antigos i spesyalmente durante la Edad Media predisavan el aserkamiento de la fin del mundo. Nostradamus y Bueno de Mesquita (profesor de la UNY) koensidan en muchas kozas, a parte de la diferensya en los metodes para yegar a los mismos rezultados. No me refiero a los 500 anios de diferensya entre la vida de Michael Nostradamus i Bruce Bueno de Mesquita, sino ke Nostradamus se basava mucho en las teorías pitagorikas, parte astrolgikas, parte matemetikas i parte simple prediksion. Para esto uzava su profundo konosimiento de los artes mistikos para entender la kombinasyon entre siensya i astrolojia. Bueno de Mesquita uza un ordenador i un algoritmo sekreto, komo todos los endevinos o los ke azen prediksyones. Independiente de sus sistemas, bushkan tambien sus propia konvenensya i el desarrollo de sus ego.

Debemos tornar a Pitagoras para ver si el, ke utilizava un sistema similar en parte a Nostradamus (las matematikas) pensava komo el, ma antes devemos demandarmos si Pitagores era un mistiko o un matematiko !

Mismo del tiempo de Ptolemeo (Pharaoh en Egypto) se kreyiva a la astrolojia sin saver ke la tierra boltava alrededor del sol ! Fue Copernico ke deskuvrio ke somos mosotros ke boltamos ! Ellos kreian en el fin de este mundo tal komo lo konosemos agora. Tambien el kalendario Maya deskribe la data del fin del mundo, el apocalipsis, komo el 21 de diciembre del 2012, la misma data que Nostradamus predigo.

Muchos kreen que el d’alkavo antikristo ya esta bivo i en estos momentos mos estamos aserkando de la fin. Ken podriya ser ? El lider Iraniano ! Tal komo en 1932, kuando se puediya pariar para Hitler…. Si la Korea del Norte no se aune a la China no tendra dinguna posibilidad de yevarmos al Armagedon. Si el lider irani alkanza a fabrikar una fuersa nuklear, es kuaji seguro ke la va utilizar. Pakistan no la uza porke eyos la fabrikaron para sovrebivir, i la India lo mismo. Ma Iran es otra koza i mismo si eran terrivles enemigos kon Saddam, sus miradas al mundo eran los mizmos. Transformarse en el gran Kalifa de todo el mundo.

Por siguro, es nesesario de konsiderar ke eventualmente la persepsyon de los politikos, a vezes yerrada, puede trayer la guerra mundial las konsekuensyias de lakuala pueden ser finales, sin asperar las prediksyones de las grandes mientes durante toda la historia humana. El grande fíziko Isaac Newton predijo que ay kodikos sekretos en la Biblia hebrea i es por esto ke se ambezo el hebreo i dize ke ayi se pueden topar las repuestas ! Kon los ordinadores modernos vemos ke se puede yegar a estos kodikos sekretos ke mos pueden yevar a siertas koinsidensyas !

Mos konfiamos a Di-o Todo Poderoso para ke mos de vidas i rogamos para ke seya ansina ! AMEN !

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: