Vo mentando al tiempo, no save pasar !
Me aviya fiado al tiempo, para olvidar !
Vo mentando a las demanyanas ! Esta todo klaro !
Me aviya fiado al aleskuro, por olvidar en durmyendo !
Vo mentando a mis suenyos ! Veygo tu prezensya !
Me aviya fiado a mis suenyos por topar esperansa !
Dospues vo mentando sin kedar a mi larga viejes !
Deviya olvidar no ? Deviya pasar la lokura de la manseves !
De mi para mi, a mi mizma vo mentando komo i komo !
Por aver yorado tanto, por averte kerido tanto !
Kijyera mentar i gritarte tambien a ti, mi kerido !
Komo se aze, komo lo puedo si no estas mas a mi lado ?
So loka ves ? Vo mentando ! No es tu kulpa, ni la miya !
Me aviya fiado al destino, puedeser ke por fin me soriyariya..
Sharope blanko
Estremecido me he quedado despues de haber “meldado” tan hermoso y dúlce poema
Gracias pues una vez mas a su Autora, por regalárnos momentos de íntima emocion, y por recrear con ellos nuestra álma