El Dio disho ke buena era

El Dio disho ke buena era
Mundo ke uviera
El krio sielos i tierra
Disho a la luz ke fuera
Dia primero de shabat
Hay! Hay! Dia primero de shabat
Dor…

Vengan las aguas aparte
De todas las partes
Fuego kon agua non se amate
Disho el Dio rey komandante
Dia segundo de shabat
Hay! Hay! Dia segundo de shabat
Dor…

El krio dos luzes beyas
Para ke arrelumbren eyas
Krio sol, luna i estreyas
Frutos agan kreser eyas
Dia tresero de shabat
Hay! Hay! Dia tresero de shabat
Dor…

El Dio disho luvias ke uvieran
I el las bendishera
La mar de peshe se inchera
Aves bolen por la tierra
Dia kuarteno de shabat
Hay!Hay! Dia kuarteno de shabat
Dor…

De la tierra yerva salga
I verduras ayga
Arvoles frutos ke aygan
I kon simiente salgan
Dia sinkeno de shabat
Hay! Hay! Dia sinkeno de shabat
Dor…

De la tierra beemot kiten
Hayot serpientes
El krio kon forma djente
Se munchiguen en el olam podesten
Dia primero de shabat
Hay! Hay! Dia sejeno de shabat
Dor…

Dio barragan sin asemejansa
El kria i non kansa
El krio toda kriansa
D Nos dio el shabat por olgansa
DPara ke olgemos en shabat
Hay!Hay!para ke olgemos en shabat
Dor…

Dio grasiozo i piadozo
Alegria i gozo
Nos dio shabat por repozo
Lo dio a su puevlo ermozo
Para ke repozemos en shabat
Hay!Hay!para ke repozemos en shabat
Dor…

Semen de Yaakov eskojites
Shabat nos distes
El mundo por nos izites
Rigmenos asegun dishites
Az por el zahut de shabat
Hay!Hay!az por el zahut de shabat
Dor…

Rigmenos ke so tu siervo
Solo a ti siervo
Por shabat korro kon el siervo
Segun meresko non siervo
Az por kavod de shabat
Hay! Hay! por kavod de shabat
Dor…