LA RELACIÓN ENTRE MÚSICA Y POESÍA
“Pese a que el ser de la música y el ser de la poesía son distintos, tanto por su origen, sus métodos y procedimientos, hay instantes de revelación o de creación en los que la música desemboca en la formación de un universo poético, y momentos en que la poesía propicia y da forma a un contenido o universo musical. “
Ignacio Martínez Madrigal
Es tan delikado el korason del poeto !
Tiene sus kuedras komo un violon divino…
Kuando s’eskriven las notas delgadas,
D’otra parte responden las notas basas.
Sale la poeziya ke kanta lo de la alma.
A vezes aze sonyar i a vezes mos derroka..
Ke es poeziya ?
Poeziya es muzika, i savor de boka para la alma..
Poeziya es la mas alta manera d’eksprimir kualker koza….
Poeziya es la mar i el sol, la luvya i los aires lokos
Es el kalmo i las tempestas de todos los sentimyentos
Poeziyas en ojas blankas i innosentes asyenden fuegos !
Ke es poeziya ?
Si no pintar en oja blanka ?
La pluma es el instrumento
Ke transmete lo de la alma
Al vaziyo..
Es tan livyana la pluma del poeto !
Bolta entre las linyas i pinta el blanko…
La oja s’enflama i la ves ni mas ni manko
Kargada de sentimientos ke tostan la sangre.
Ves en los biervos los yoros de una madre,
Versos kantan el kanto de la luvya i del ayre !
Artículos Relacionados: