Marido i mujer dospues de 20 anyos de kazamyento se dieron kuento ke no ivan a pueder kontinuar a bivir endjuntos! Se fueron a un konsejero matrimonial. Kuando el konsejero demando kualo es ke no estava kaminando entre eyos, la mujer empeso a ezbafar todo lo ke teniya en su korason des de tanto i tanto tiempo..
Le konto kuanto su marido no se enteresava a eya, su yelor, su manko de karinyo i amistad, su soledad, el vaziyo ke sintiya i por terminar su pena delantre de sintirse siempre rechesada..
EL konsejero la oyo sin enterompirla i kuando la mujer eskapo de avlar se alevanto supito de su lugar, vino al lado de eya i la bezo amorozamente delantre de su marido. Dospues se torno al marido i le disho :
– Es esto ke le manka ! Puedras a lo manko 3 vezes a la semana?
– Mira Senyor Konsejero… El Lunes i el Mierkoles no ay dingun problem. Te la puedo yevar ! Ma el Viernes no puedo vinir kon eya, es el diya ke djugamos kon los amigos !
—————————
En Turkiya el konsejero no iva pueder
demandar esta kestion…. No tendriya
ni reflo ni tiempo para esto…..
Sharope Blanco
[email protected]
Artículos Relacionados: