Diario Judío México - Me revoltan los hombres ke avlan kon orgulyo de SUS ijos/ijas kuando estos tienen reushitad, ganan egzamenes o son briyozos en sus karyeras i veygo estos mizmos hombres dizir a sus mujer  “komo engrandeesites tus ijos ?  Ke insolente de ija tienes ? Nunka vana ser “una koza”  tus ijos !”  Lo bueno es suyos i lo ke no les agrada es la kulpa de la mujer… Kuantas vezes oyi en mi vida  “Dizele a tu ija de……”   “Dizele a tu ijo ke no…..”

Uno le disho a su esuegro ” Tu ija, mi mujer Rosie no parvino a kedar prinyada…”  i no :

-No puide darle ijos..

-El Di-o no mos dyo ijos…

-No puidimos tener kreaturas

Vash a dizir es deformasyon de la lingua |!   Nooooo !  De dinguna manera es una deformasyon !  Ni profesyonal, ni

lejitimo, ni de la lingua….  es el dezmodro del sekso maskulin !

Es siempre MI IJO reusho en la vida, es avokato i es kazado kon 3 kreaturas bombonikos…I la mujer es avokata tambien…. Se keren muncho bien guadrados de nazar !

Es siempre TU IJO es ke lo izo ansina ! Ya se lo dishe sien vezes ! No ay ken me oyga aki ! Tu i tu ijo sosh los mizmos ! No vos salta la kavesa para nada ! A lo manko oyi me ! NO, ni esto lo vash azer ! De salir lokos en esta kaza !

Grasyas al Di-o, no todos son los mizmos…. Korasonikos por mi vida estos hombres kazados ke nunka miran a la siedra i a la derecha i NUNKA vana dizir TU IJO/IJA o MI IJO/IJA ma siempr  MUESTRO IJO/IJA…..

Ma, ande se topan he ????

[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorLa Comunidad Judía de México, breve historia de una comunidad fuerte
Artículo siguienteUniversidad de Haifa: “Israel es sinónimo de Innovación”
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.