Resivi una konsejika de Tio Moshon kon el Baston
i me plazyo tanto ke la traduizi !
Solo no la traduizi komo la resivi ma la troki
a mi manera : proza , versos i majiko !

Un Ruso, Un arabo i Un Judyo eran kompanyeros
de un viaje muy largo. Nada asemejava entre eyos
i lo bueno era ke no puediyan entendersen porke
todos avlavan una lingua diferente....
Teniyan de pasar kon el treno los stepes de
Rusya i malgrado ke no estava friyo en el treno
komo afuera, la djente se estavan entezando !

La mujer del djudyo le aviya metido en su validja
una lampika de gas i le aviya dicho :

- Albertiko, merki esta lampika del palyerohadji
(eskidji - el ke vende i merka kozas de sigunda
mano) i te lo esto metyendo en la validja.
Ken save....Lo puedes tener de menester para luz,
para azerte un kafiko o mizmo para kayintarte !
Es bueno ke seya kon ti en ansina de viaje !

Alberto se akodro de la lampika i la kito de su
lugar para asyenderla i kayintarse un poko.
Estava tratando de ver komo se iva asyender ke
a este momento djusto una ijika grande solo komo
un dedo salto de la lampika....Teniya alas roz
i kaveyos blondos fina los piezes....
Empeso a kantar kon una boz ke los incho de plazer
a todos los tres en el kompartimyento del treno.


La ijika del boy de un dedo salto en la mano del
Ruso i le disho en su lingua :

- Un dezeyo tuyo solo
Dime-lo i te lo allogro !
El ruso penso i le disho

- Lavoramos la tierra i tenemos kampos
Ke moz den muncho....fertilizamelos !

I ansina fue..
La ijika salto en la mano del arabo i le disho en su
lingua :

- Un dezeyo tuyo solo
Dime-lo i te lo allogro !

El arabo penso i le disho

- Entorna de una pared muy alta muestros payises
Ke no puedan entrar ni amerikanos ni inglezes

I ansina fue....

La ijika salto en la mano del djudyo i le disho en su
lingua :

- Un dezeyo tuyo solo
Dime-lo i te lo allogro !


El djudyo no penso ! Avriyo las manos al sielo

- Inche me los de agua estos payises kon muros altos
Somos peshkadores i ke eyos seyan todos pishkadikos !

sharope blanko riendo...riendo

SIN COMENTARIOS

Deja tu Comentario

A excepción de tu nombre y tu correo electrónico tus datos personales no serán visibles y son opcionales, pero nos ayudan a conocer mejor a nuestro público lector

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorJerusalem en Guatemala
Artículo siguienteMazl Tov! La Kehile felicita a Daniel y Denisse por el nacimiento de su hija
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.