Las palavras de muestro amigo Edmond Cohen apoyan todo lo ke vo afirmando
sovre la diferensia entre muestro espanyol avlado (djudeo-espanyol vernakular) i ladino (djudeo-espanyol kalko):
Letra de Edmond Cohen de Paris del 13-8-16
« … Kualo es muestra lingua? La haketiya avlada en el Marroko del Norte, el espanyol,… avlado en el Imperyo Os-
manli ( un poko diferente a kada vez asigun estamos en Selanik, en Bosniya,en Estambol, en Izmir, ets) i el Ladino,
la lingua eskrita liturjika de traslado del ebreo,ke tenemos todos djuntos.Kual ke sea, es espanyol,i es djudiyo.Se
puede dunke yamar djudeo-espanyol, i todos seriyan de akodro.
En vez de esto, unos la keren yamar, kual ke sea, ladino,keren ke todos la yamen ansina, i despues dizen : « ke
importansya komo se yama muestra lingua? » « Lo ke importa », dizen « es lavorar para esta lingua, ke vamos a yamar
ladino … » . Kon esta manera de pensar, muestra lingua se puede tambyen yamar ebreo o japones .Ke importansya?
A mi,me parese ke la manera de nombrar las kozas tiene una syerta importancia …
Si se kere aunir la djente, de ke est inat de nombrar por fuersa falso i limitado?…
I a los ke me dizen ke agora la mayoriya de los Sefardim dizen ladino para todo, kual ke sea, i no se puede mas trokar,
les respondre: « La mayoríya de la djente diziya ke el sol torna alrededor de la tierra . Galileo despues de Copernic, era
solo dizyendo ke era la tierra ke torna alrededor del sol. La mayoriya lo echo en prezo i,para no ser kemado vivo, atorgo
ke se yerro. Ama, yenes su barva disco :’ Eppure si muove ( I portanto se mueve, so yo detengo razón.)…
Artículos Relacionados: