El rabino Mordehay, kaminando un dia en el Paradiso, se enkontro kon el Dio i le disho:
“Ke me diga, mi Sinyor Dio, Rey del mundo, ke valor ke tiene, segun el, un periodo de 100 anyos?”
“La valor de un minuto” le respondio el Dio.
“I la valor d’un milyon de dolares?”
“La valor de sinko groshes.”
“Entonses, regalame sinko groshes” le disho el rabino.
“Kon muncho plazer” le respondio el Dio, “aspera un minuto.”
Artículos Relacionados: