Recetas Judias
EL SHAROPE BLANCO
Ingredientes
• 1 kg de azucar
• 6 vazos de agua
• ½ cdta de jugo de limon
• Ralladura de una naranja
Procedimiento
1. El agua y el azúcar se pone a hervir con el jugo de limón.
2. Cuando la mezcla esta tomando forma de hilos se baja del fuego se pone en un envase de vidrio y cuando se enfría y esta apenas tibia con una cuchara de palo se revuelve hasta que se pone blanquito.
3. Para enfriarlo el envase de vidrio con la mezcla lo pueden poner dentro de un bowl con agua fría.
4. Apenas se pone blanco se le pone la ralladura de naranja .
5. Se conserva en el refrigerador con un paño húmedo para que no se seque
Notas
Se sirve en cocadas ..
Es una receta de los hebreos de Turquia que se come mucho en Pesaj
I AGORA A MI MANERA………
El Sharope de savor del Sharope blanco…….
Para las dammas ke preferan hadras !
Balabustas Judiyas Tradisyonalas
Kon muncho hen i gusto….Alavadas
Kon komplimentos meresidos..
De la parte de vuestros envitados
Para ke tengan la avla dulse,
Ojos riendo i humor komplezente
De vedra ke yo dire : Kale ofreser sharope !
A lo largo i a lo ancho !
Ensima de tavla de plata
Kon naperon blanko de dantela
Una bonbonyera muy shik yenna
Del dulse kolor de nieve
Kucharikas de plata siempre !
Kupas de krital elaboradas
Briyando, finas i ermozas…
Una soriza a todos para empesar…..
Komo se aze el sharope blanko ? No es difisil !
Kale ensenyarlo a las mansevas para ke este dulse judyo kontinue de egzistir.
Un tencere (kalderika) de emaye o de teflon si posivle
(mijor si no es de metal desnudo !)
Buyir 2 kupas de azukar i 2 kupas de agua kon una kuchara de komida de sumo de limon. Abashar lo del fuego kuando empesa a atarse…
(una gotika de este sharope ensima de la laja…. si se tiene bien komo un graniko ya esta pronto !)
Meter esta kalderika ariento de otra kaldera mas grande yenna de agua friya i empesar a arremeneyar kon una kuchara de tavla. (el metal no !)
Empesa a azerse blanko blanko komo la nieve. Alora se etcha arriento del
dulse medya kupa de agua (mas o menos) de krema doble (krem shantiyi o kaymak puede ser) o NADA ! Un poko de naranja rayada i ya esta pronto…..
mmmmmmmm… Muy savrozo !
EL SHAROPE BLANCO
DE ELIZ GATENYO EN ISTANBUL :
Yo me ambezi de mi esfuegra a azer
sharope blanko (o dulse blanko).
Emprimero kero dizir ke el materyel de la
kaldera es muy emportante.
No kale kaldera de aluminyum
(ke ya no ay mas agora) por ke el dulse se
aze preto, toma la kolor de el aluminyum.
No kale tanbien una kaldera de “acero” /acier
ke tiene dopio fondo godro, por ke el
“momentiko” de serrar la lumbre es muy muy
importante. En lo ke se serra la lumbre de
debasho de la kaldera de acero, lo de aryentro
kontinua a buyir por ke tiene el fondo ke esta
dainda muy kayente, i se fuye el karar.
Agora vos dare la resefta :
Tomash 3 kupas de agua i 3 kupas de asukar aryentro de una kalderika de teflon.
La metesh a buyir . I vash kontrolando si se empeso a atar.
En los kontroles vash a tomar kon una kutchara de tavla una gota de este shurup i metesh ensima de un chini. Kale ke se kede komo un bultiko . Tomash este bultiko entre los dos dedos. Kale avrir-serrar, avrir-serrar los dedos para ver si se izo komo un iliko blanko.
ESTO ES EL PUNTO del sharope blanko.
En lo ke vesh este iliko blanko, kale echar una kucharika de kafe de sumo de limon. Ke de otras dos buyores i amatash la lumbre de debasho i la deshash tivyar. En lo ke ya se tivyo, ke ni esta yelado, – ni te kema la mano, tomash la kutchara de tavla, i empesash a aboltar presto-presto… ma sin kedar ni un punto, fina ke vesh ke ya se izo blanko.
Despues ke ya se izo el sharope, puedesh ajustar coconut o kashkara de portokal/orange rayada o vanilya o pedasikos de pistachio. Ma esto lo vash azer kon la mano, komo ke estash finyendo una masa. Parese muy kolay ma en vezes no reushe, alora meto kuartos de portokal aryentro de esto i se aze dulse de portokal. En turko dizimos : “Ne chikarsa, bahtina” Lo ke sale, a tu mazal ! –
Reushita buena !
Eliz Gatenyo
Sharope Blanco
Artículos Relacionados: